我平時同男朋友都一定用套同埋計埋安全期，但今個月遲左10日都未黎。我平時最多都係遲4-6日。
我由遲嗰日開始有用萬寧同clear blue test,全部都係negative
同埋我早幾日都會胸痛，直至4日前就冇再痛，開始唔痛嗰日我仲以為會黎，點知都係未黎。正常我係嗰朝唔痛嗰日就黎
我諗緊會唔會係skip 左一次M但我都25歲，我又覺得唔大可能咁大先等人次skip m，好擔心有左
我上網睇有啲人有左用驗孕棒都驗唔倒，我諗緊我係咪要驗血，係嘅話有冇人知邊到有得驗
Hello~你就會想問吓你最後一次性行為係幾時？因為最佳嘅驗孕時間係性行為之後嘅7-11日，太早驗嘅話係唔準嘅～但係如果你驗孕嘅日子距離你最後一次性行為已經超過咗11日嘅話，咁個結果已經相當準確，可以肯定係冇懷孕嘅。至於月經其實係受住好多唔同因素影響嘅，例如飲食運動，生活習慣，壓力等等，以上嘅種種都有機會導致月經延遲，唔一定同年紀有關。如果確定冇懷孕嘅話，可以再等多陣先嘅，除非月經遲咗超過三個星期以上，咁先至需要睇醫生，睇吓醫生會唔會考慮開催經藥俾你。
另外，如果想驗血嘅話，通常私家診所都冇呢一個服務，可能需要去私家醫院或者排急症室。不過好大機率去到醫院姑娘都會幫你用驗孕棒驗多一先。如果情況唔係好嚴重/奇怪嘅話一般都唔會驗血嘅。
最後都會想問吓你最近嘅生活習慣有冇啲咩改變？例如有冇捱夜或者情緒唔穩定嘅情況？特別係飲食方面有冇比較大嘅轉變？因為當身體唔夠能量嘅時候，就會shut down某一啲機能去維持運作。所以如果本身吸收嘅營養唔夠，或者有其他轉變，令到身體荷爾蒙水平有變化嘅話，係有機會導致月經唔嚟嘅。所以呢度都會建議你調整自己嘅生活習慣，咁月經都會準時同埋規律啲🫶🏻
想問下最後有無黎 