撤退性出血當period食避孕藥

上兩月period第1日係17號同14號, 4月26食plan B, 5月1號出血大概4日, 血量比平時period少, 顏色正常, 自己直接當0501係period第1日, 開始食優思明(第1次食) , 但尋晚同今朝發現有少少淺啡分泌物, 請問係唔係period?

另外如果以上情況, 依家優思明係唔係無效? 因為好似係period第1日開始食, 7日之後就可以完全生效, 否則要食足1個月經週期先開始有避孕效果?

Hello​:ok_woman:t2:其實只要喺月經來潮頭五日內進食避孕藥,幾日內就會確立避孕功效,但為咗確保藥效,都會建議喺食藥之後一個星期如果要發生性行為,就需要做額外嘅安全措施,例如佩戴避孕套。如果你5月1號係月經頭五日,咁你當日進食嘅避孕藥其實幾日之後就已經確立藥效。

Hello, 多謝你回覆啊! 不過我唔肯定5月1號係唔係period, 自己計正常5月應該係10-12號先period (上2個月經週期都準確嘅) , 因為4月26有服用事後避孕藥, 5月1號果幾日嘅出血會唔會係”消退性出血” 唔係月經? 尋晚同今朝(按本身正常週期係依幾日嚟period咁上下)有少少啡血, 依家分泌物又正常冇啡血… 咁情況其實我有冇正常避孕到?

咁好大機會係因為食咗事後藥,導致月經提早咗嚟,呢個亦都係常見嘅事後藥副作用之一,另外分泌物異常都有機會係事後藥嘅副作用。所以如果五月頭嘅月經係同之前嘅月經差唔多,咁喺月經期間食嘅避孕藥已經確立左藥效,所以唔需要太擔心~

唔該晒! 另外想問問如果服用事前避孕藥, 但係排卵期日子依然有排卵期嘅分泌物(蛋清液) , 咁係唔係都依然有排卵? :fearful:

如果係服食緊事前避孕藥,其實人造荷爾蒙已經會取代身體自然荷爾蒙分泌,所以並唔會有排卵期。至於分泌物方面,見你提及係第一次食,所以分泌物有轉變,亦都係食事前避孕藥其中一個常見副作用,可以觀察一下呢一個情況係唔係持續,身體有冇伴隨其他異常情況超過三個月,如果有嘅話就建議需要諮詢醫生嘅意見啦:ok_woman:t2:

明白! thank you​:heartpulse: