我上次經期係4月10至4月16
而最上次嘅性行為係4月15有帶套嘅 亦都冇穿冇甩 同埋係掹出嚟先射喺嗰套入面 即係嚟緊m嗰陣
之前都試過兩次排卵期岀血 出血都係維持咗7日左右
而今次就由5月7至5月13 即係今日都仲出緊血
今次嘅顏色係血絲至淺粉紅色至深啡色同黑色都有好恐怖
但係我今日朝早5月13check咗係陰性
不過仲係好驚
以往嘅月經週期都好長 大約四十幾日
但係前兩次週期大約35日左右
Hello～
首先解答咗懷孕嘅風險先，4月15號嘅果一次，體液同性器官冇直接接觸，懷孕風險係微乎其微嘅～ 加上你喺性行為嘅11日後進行驗孕，個結果已經會非常準確，所以都唔駛擔心會係懷孕出血～
至於經血或者排卵期出血顏色方面，血絲／淺粉紅色／深啡色都係正常嘅情況嚟嘅，但係如果見到好實色嘅黑色，可能都有啲啲嘅婦科狀況 
加上你本身嘅月經週期已經超出一般範圍（一般去到35日都算係可接受範圍），呢個情況真係非常建議去做一做婦科檢查，確保冇其他狀況造成依家嘅出血同埋血色嘅改變！
希望以上回覆幫到你！
1個讚
hello
到而家都未嚟m
上次同男朋友做係21/5
呢一次都有帶套 係全程帶 有㩒走儲精囊啲氣再卷嗰卷落到底部 但係我哋今次用咗另一隻牌子嘅套 男朋友買錯咗size 套有啲大
插插下嘅途中 嗰套離開咗陰莖底部
但係冇甩到出嚟 仲係陰莖上面 套仲包住緊龜頭同埋一半嘅陰莖 男朋友掹返落去然後用紙巾抹咗個套之後有再插咗幾下 之後我哋就換咗一個新嘅套
再插咗幾下見嗰套都甩甩地就唔再做 男朋友掹返出嚟先再射 呢兩個套都係冇穿到嘅 我冇食到事後
咁樣嗰懷孕機率會唔會好高 我好驚…
我會喺今個禮拜日check 但係我好驚
Hello~雖然你哋因為安全套尺寸較大，出現滑落嘅情況，不過因為冇內射，同埋安全套冇完全甩晒，所以懷孕機率係唔算高嘅。
因為歐美同日本牌子嘅安全套，尺寸嘅量度係唔一樣嘅，所以呢度都畀返個量度陰莖嘅方法畀你～
安全套嘅尺寸通常有兩種方法計算嘅：
- 寬度 (Nominal Width) 【歐美／香港常用】
是安全套擠扁時橫向的長度，數值上是 圓周 (Circumference) 的一半。
量度方法係量度充血的陰莖根部的圓周，將圓周除二即等於闊度。
- 直徑 (Diameter) 【日本牌子常用】
是安全套放平時圓形的直徑，算術上 直徑 x 3.14 = 圓周 。
量度方法係量度充血的陰莖根部的圓周，再除以3.14，便是陰莖直徑。
下次如果係試用新套嘅話，建議係男朋友自己打試咗先，因為尺寸唔啱好容易會令安全措施失效。
如果你真係好擔心嘅話，可以喺性行為嘅7日或11日後進行驗孕，驗孕棒最早可以喺性行為嘅7日後驗出初步結果，而喺性行為嘅11日或以後驗出黎嘅結果係非常準確嘅。如果11日個結果係陰性嘅話，就可以肯定係冇懷孕㗎啦，可以放心～而驗孕嘅時候記住按照說明書嘅指示進行驗孕，並且按照有效時間去閱讀結果，以確保結果嘅準確度
如果你唔介意都可以講多少少出血嘅情況，同埋如果今日嘅驗孕已經係喺性行為之後11日進行嘅話，結果可以話係非常準確
即係我喺check自己啲分泌物嘅時候就見到有血
係星期六3/6 check分泌物時有深血色血之後護墊上面就有一滴啡色
去到星期日4/6 check分泌物時有淺粉紅色血但護墊上面就冇顏色嘅
呢次係呢一次經期出第二次血 但係都係仲未嚟m 會唔會係宮外孕？ 但係我肚又冇痛 如果係宮外孕 驗孕棒會唔會check唔到？
即使係宮外孕，驗孕棒都會驗到。你出血嘅情況比較似係排卵期出血，另外因為綜合之前所講嘅情況，如果整個性行為過程都有使用安全套，而且都有檢查安全套冇穿窿嘅情況，其實因為懷孕嘅機會都非常低，再加上你有進行驗孕，所以都唔需要太擔心，可以觀察多幾日，情緒壓力，生活作息等其他因素其實都非常影響月經周期～
我想講我又有陰道出血 由3/6開始去到今日都仲有
我檢查分泌物嗰陣啲血係深紅色嘅 但係佢都唔係好流到出嚟咁 但係確實入邊係有血嘅 而護墊上面只係會有幾滴咁樣 其實我會唔會係嚟M但係因為壓力太大 所以血量超小同埋好淺色 之後個肚啱啱又有少少痛
我仲係好驚會唔會係懷孕？
但係如果今次係嚟M嘅話 就係同我之前嘅月經周期好唔同 因為我之前嚟M前都會胸痛同埋肚痛 但係今次就唔覺有 唔知關唔關我依家考緊試事
但係真係好恐怖
如果真係有咗嘅話會唔會出咁耐血？
你好，你係4天前已自行驗孕，而且係陰性，所以已顯示你沒有懷孕，所以可以排除懷孕同著床性出血。
而月經係會受到其他因素影響，如：壓力、生活習慣改變等。不過今次情況似乎唔似係月經，而出血既情況亦有啲耐，建議你要去睇醫生，睇下會唔會係其他原因引起出血，因為有可以係其他原因，如：其他婦科疾病等。
我想講我今日嘅血量多咗 顏色都似係嚟m 深紅鮮血顏色 同埋都有m痛 但係我唔係好知點解我3/6一直流血去到而家先嚟m（真係流出嚟） 同埋今次嚟m冇胸脹痛 有少少膽心唔知點解
今次嘅血量冇之前嚟m啲血量咁多
但係血量比前兩日係多咗嘅
今日嘅血量係換咗兩塊護墊
但係的確血量係冇之前咁多
但係都幾確實係月經嚟
聽你咁講嘅情況，相信你今次係月經來臨。至於你話今次嘅流量冇之前咁多，相信係受你近期有壓力或者生活作息習慣改變而影響。因為月經好多時都會受到其他身體因素而影響，例如：流量改變、影響月經日子長短等等。
至於今次冇感到胸脹，呢個唔需要太擔心。因為並唔係每一次月經前都會有生理狀況出現，就等於經痛亦未必每一次月經來臨都會出現，所以呢個都係一個正常嘅狀況，你唔需要太擔心。