我發現我陰莖一直有好多一粒粒突起嘅嘢
不過只係喺陰莖主體 多數喺陰毛毛囊嗰度
試過唧出嚟發現應該係類似油脂粒嘅嘢
唔知有冇問題 所以想請教下
同埋太多所以唧唔哂
利申仲係處所以應該冇乜機會係性病
唔該哂
Hello，好多謝你既問題。
首先，你呢啲一定唔係性病，而係油脂粒黎，學名叫福代斯斑點，是非常常見的。佢唔係由細菌或病毒引起，亦唔會傳染，唔會引致其他疾病，更唔係性病，甚至不算係一個疾病，係因個人體質而出現的異位性皮脂腺增生。
到目前為止，無人知道點解會係皮下堆積油脂。不過它唔癢唔痛同無害，只係係陰莖上有微微隆起、直徑大約1至3毫米既圓點油脂粒。福代斯斑點多數發於青春期，呢個可能同青春期內分泌改變有關。
好多人都會有衝動要去擠走呢啲油脂粒，但呢種生係陰莖上既油脂粒千祈唔好去擠壓，因為有機會造成皮膚破損同發炎。而福代斯斑點對健康無礙，屬於正常皮膚組織，不需要治療，也無方法可以完全杜絕。但有啲人為左改善外觀，可以考慮透過激光治療將福代斯斑點去除。
我估計你應該都係正值青春期，所以油脂分泌比較旺盛，加上陰莖較經常緊貼其他皮膚，容易出汗同分泌油脂，所以要注意性器官既清潔，都可以減少油脂。