我同佢都係大家用手幫對方 性器官完全無接觸過 但係就係完事之後先諗番起 我隻手唔知乾唔乾淨 我想問下 如果隻手指有少少精液 (唔記得有無用紙巾抹隻手指) 隔左幾分鐘手指就插入陰道嘅話（當中有掂過其他物品） 有左機率高唔高
真係驚
補充：咁我想問 如果係隻手指有少少精子 但係無洗手 但係之後有掂過床單 紙巾 衣服嗰啲 過左3-5分鐘之後再整嘅時候係整左一陣出面先放入陰道（同埋放得唔係好入大概1-2節手指）咁懷孕機會率會唔會再低啲？ 因為真係驚…
Hello 其實你咁嘅情況，會懷孕嘅機率係極之低。
因為精子其實係非常脆弱嘅，只能夠喺精液或者尿道球腺液入邊先生存到。而你嘅情況，因為唔係進行插入式性行為時候，精子直接接觸到陰道，而且你喺接觸過隻手，又隔咗幾分鐘，基本上精子存活率已經極低，再加上你已經有掂過其他嘢，例如床單、紙巾、衣服嗰啲，基本上精子都冇咩可能會生存到，所以即使你隻手指再插入陰道都好，都唔會有影響。
至於食唔食事後丸，就要留返俾你地自己決定，睇吓你地覺得衡量過風險之後，有冇需要食事後丸。不過提醒返，事後丸喺香港係醫生處方藥物，係需要睇醫生先可以合法獲取，你可以去家計會或者其他私家診所都可以。而事後丸亦有分兩隻，要有效嘅話，就需要喺性行為嘅72小時或者120小時之內服食，亦都可能會伴隨住有啲副作用。
至於排卵期，一般坊間就會話月經嘅前7日同後7日係安全非排卵期，其餘日子都係高風險會懷孕嘅日子。但係其實排卵期唔係咁容易計，因為人體實際上嘅生理周期，並唔係好似科學實驗咁嚴謹咁準確，可能會提早或者延遲，可能會縮短或者延長，而且甚至可能會有撞期嘅情況出現。將排卵期去諗懷孕風險，亦都唔係一個可靠嘅方法。
希望解答到你嘅問題。
咁如果食左事後藥副作用會有d咩同埋成功率有幾多，以你嘅分析我哋呢個case有無呢個需要食因為好似好傷身體？（呢件事係發生月經完左嘅第六日，成個週期嘅第十一日）（平時週期大概係31日左右）
同埋我想問如果掂外陰再掂入面係咪機會率會更加低？
同埋如果件事發生係排卵期第一至第二日跟住先食事後丸咁個事後丸仲會唔會有用
係咪要有一定數量的精子進入陰道先會導致懷孕，如果只係手指掂到少少精子再隔3-5分鐘先放入陰道（好似上面咁講：3-5分鐘入面當中掂過紙巾、床單、衣物）係咪精子數量不足以導致懷孕
首先從懷孕機率去睇，就好似上面同事所講，如果你手指掂到精液，之後接觸唔同嘅物件，其實會加速精子嘅死亡，所以即使之後再掂到外陰都好，導致意外懷孕嘅機會都係非常之低。所以都建議可以唔需要食事後丸，至於事後丸嘅副作用，包括令下一次月經提早/延遲來，頭痛，胸漲，覺得嘔心等等。有關排卵期之後食事後藥嘅作用，因為事後藥係透過高劑量嘅人造荷爾蒙干擾受精過程，所以即使過咗排卵期，事後藥仍然可以發揮佢嘅作用。
我意思係咪掂左外陰再放入陰道係咪會更加減少懷孕的機率？
另外係咪要有一定數量的精子同精液進入陰道先會導致懷孕，如果只係手指掂到少少精子再隔3-5分鐘先放入陰道（好似上面咁講：3-5分鐘入面當中掂過紙巾、床單、衣物）係咪精子數量唔夠不足以導致懷孕？
仲有就係如果食埋事後丸係咪可以將本身你地話機會率好低再降低啲？
當然精子數量係其中一個導致懷孕嘅重要原因，而你講到掂完外陰再掂陰道嘅機率係咪更加低，其實係前提你手指上面嘅精液經過其他物件嘅接觸後，其實精子已經死亡，所以之後再掂到任何性器官，都唔會導致懷孕，所以唔需要太擔心。
至於事後丸嘅作用，係透過高劑量嘅人造荷爾蒙去干擾受精過程，只要喺72 / 120小時內，服食經醫生處方下嘅事後丸，就可以有效避免懷孕。
咁如果無完全死亡的話 係咪單憑我手指有精子的數量都唔可能有足夠數量的精子去懷孕？
同埋我想問如果好似上面我咁講我係隔左三至五分鐘先再將手指放進陰道，三至五分鐘夠唔夠時間比手指上的精液乾透，同埋係咪一乾左就代表入面嘅精子已經全部死亡？
同埋我唔肯定佢嗰時係咪排卵期 如果係係咪食事後丸做個保障比較好？？？
其實只要有一粒精子接觸到卵子都會導致懷孕，不過因為懷孕涉及好多方面嘅嘢，女方嘅排卵期，精子嘅活躍程度同埋存活率，雙方嘅體質，容唔容易受孕等等，都係會影響懷孕嘅因素。所以只要有機會接觸到，就有機會懷孕。
精子暴露喺空氣中通常幾分鐘內就會死亡，而且精子需要有精液嘅保護先可以生存，所以當接觸到皮膚、紙巾等表面嘅時候，精液會被吸收同揮發，進一步減低精子嘅存活率，所以就算你隻手指有少量精子，經歷咗咁多嘢再到陰道嘅存活率都係好低嘅。雖然懷孕風險唔能夠話係0，但係基本上係唔需要擔心嘅。
因為事後丸係高劑量嘅荷爾蒙藥物，會擾亂月經周期，副作用都係比較大嘅。加上事後丸係一個月經周期內，最多只可以食一次，如果食咗嘅話，之後嘅月經周期內如果進行性行為就需要採用更加高效嘅避孕方式，所以會建議留返喺有更高懷孕風險嘅時候先至服用。
咁如果表面睇係無明顯液體喺手指係咪代表佢已經無精子？
如果以我呢個case 機會率會唔會發生 由於我唔知係嗰日係安全期最後一日定排卵期第一二日 宜家都仲好擔心…
我見到你地嘅建議係話可以唔使食咁我想問下如果食埋事後丸會唔會將本身呢個風險可以再降低啲？
雖然睇唔到唔代表冇精子，不過睇返你嘅情況，懷孕嘅機率係真係好細嘅。因為要懷孕其實都唔係咁簡單嘅事，可以試吓想像下，陰道口去到子宮頸係10K馬拉松嘅距離，要跑完本身就唔容易，一半以上嘅精子跑到中間就會死咗。何況你哋嘅性器官冇直接接觸，亦都冇插入，冇內射，所以懷孕機率係好細好細嘅，唔需要太擔心。