唔係打錯
唔敏感嘅意思係
以前佢好容易就勃起，真係掂一掂就即刻硬晒嗰種
但而家就算瞓覺嗰陣我擺隻手喺佢條褲上面，佢都好似冇乜反應咁
咁我都以為係因為佢敏感度下降咗啦
但原來又唔係
呢度反而就掂一掂就射
有幾次甚至前戲就已經射咗
當然射精唔一定代表結束嘅，佢都有用其他方法幫返我
不過佢真係好敏感
我隻手只係郁咗幾下，而且唔係快，佢已經話太舒服叫我停
就琴晚，佢太集中，冇出聲，我又係太投入嘅，明明隻手已經feel到佢越嚟越硬，而且佢moaning都越嚟越急，我當時應該要意識到佢就嚟射，但我就係冇為意到，結果我一放落口佢就射咗入嚟
本身我哋都冇共識要咁做，而且以前都冇試過，估唔到竟然會咁樣第一次喺口入面射
佢好似即時好驚咁，可能佢驚我覺得佢唔尊重我，即係顧住佢自己舒服就算
咁我都冇怪佢，之後安慰返佢，我知佢都唔係特登想咁做
其實點解會咁？
同性行為頻率有冇關係？
Thank you 
Hello~見到你話男朋友有時「唔敏感」，即係你喺佢瞓覺時掂佢，佢都無生理反應；有時又「好敏感」，性行為嘅時後好快射，點解好似好矛盾？不如我哋兩方面都講吓
關於你認為佢「唔敏感」，有可能係因為瞓覺嗰時，身體準備/已經進入放鬆狀態，而且你係隔住衣物掂佢下體，刺激度都比清醒時直接觸碰下體低得多，所以佢無乜生理反應都係正常嘅
至於你認為佢「太敏感」，有可能係因為男朋友喺性行為中感到安心、放鬆、投入，所以感受度反而會大咗，而且係直接接觸性器官，所以刺激度都比較大XD
同埋你問同性行為頻率有無關係，呢個真係因人而異
有人身體比較敏感，亦有人會因為經常發生性行為，刺激性器官，所以敏感度都會略有降低而且自慰都有機會影響陰莖嘅敏感度同埋刺激度，可以問下佢自慰嘅習慣～
不過見到你哋都好好🫶🏻佢會關心你嘅感受，你都會安慰佢同表達唔介意～～
我應該講得清楚啲，瞓覺只係舉例啫
唔會喺街度摸佢㗎嘛
又譬如喺梳化一齊睇緊戲，即使我摸佢，佢都係冇乜反應
或者佢煮緊嘢嗰陣喺後面偷襲佢，I mean突然喺佢後面攬住佢，跟住隻手越伸越落 
佢依然都係反應唔大
佢都有一段時間冇自慰喇，咁其實係會敏感咗定抑或係變得冇咁敏感？
呢啲「唔敏感」都有好多原因嘅，例如當時刺激度相比直接接觸下體冇咁高，或者可能當時佢分咗心係第二啲地方而冇全程投入，都可能會影響咗反應。
至於自慰，的確有啲人有自慰習慣嘅可能會敏感度低啲，可以持續得咁耐，而冇自慰一段時間，係可能會令敏感度提升。但都唔係100%，呢啲都係因人而異，未必個個都係。
如果想持續得耐啲嘅話，可以考慮做凱格爾運動。佢喺一種斷收縮骨盤底肌嘅運動嚟嘅。首先可以試下去小便嘅時候嘗試中斷尿流，中斷時用力嘅位置就係骨盤底肌啦。平時就唔好係小便嘅時候夾斷尿流啦，避免膀胱壓力過大。但就記住收緊骨盤底肌嘅感覺，然後就可以試下每日練習。例如一開始可以嘗試收縮嗰組肌肉5秒，然後放鬆5秒，咁樣為之一組，重複呢組動作10次。然後當身體適應咗，可以再加長加多鍛煉嘅時間同次數。因為呢個喺透過運動嘅方式嚟訓練射精嘅訓練，都需要一段時間持之以恆咗練習，可能需要一段時間至會有成果。
另外，都可以試下「斷續刺激」，即喺當想射精嘅時候就暫停刺激陰莖，俾啲時間佢冷靜，當想射精嘅感覺消退／減弱嘅時候，先再繼續刺激。如此類推重複幾次，然後先射精。但記得唔好強迫佢長期完全唔射精，亦都唔係當佢已經要射精嗰下先格硬谷住，咁樣反而係會對身體造成傷害。
希望可以幫助到你哋啦～ 