hello, 今日我遲咗第三日，但keep住4，5日都有谷M嘅感覺，以往每個月都係28-30日就黎，宜家已經第33日⋯⋯上個月受卯期同男朋友做過 佢冇帶但有外射，同埋上星期又有食過5日抗生素，會唔會係有咗。。。
Hello~留意到你擔心自己係咪有懷孕徵兆，不如我由「遲嚟M」同「驗孕」兩方面講多少少俾你知～
關於你「遲嚟M」，其實正常月經周期係23-35日，所以你而家仲處於正常範圍內
同埋有好多唔同因素影響來潮日期，例如你早排食抗生素，都會對經期有影響，所以都唔需要太擔心
至於「驗孕」方面，如果你都係擔心係咪意外懷孕，都可以係最後一次性行為之後第7日，得到初步結果，同埋第11日再驗，會得到比較準確嘅結果，因為驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係11日後或者預計經期嘅日子驗孕結果會更加準確。
我今日驗過係一線，但岩岩夜晚又有少少啡流，會係咩原因><?
如果你係喺性行為之後11日進行驗驗，驗到係一條線嘅話，基本上都可以肯定係冇懷孕嘅。至於流啡嘅可能原因有好多，例如排卵期出血、荷爾蒙改變、內分泌失調、藥物影響、性行為之後都可能會有少量流啡嘅情況。你可以留意吓自己仲會唔會有好多流啡嘅情況先，如果持續出現冇停過，或者愈來愈多或者愈來愈嚴重嘅話，就可能係身體有其他狀況，咁就可能需要睇醫生啦。