已經食咗避孕藥一個月，最近開新一排藥食，都有準時食。如果無套性行為嘅懷孕機率高唔高，食完第一排都有正常嚟m，亦有停7日再開始食藥。雙方都想試下無套，但始終心入面會有顧慮。
Hello~只要正確服用避孕藥，避孕效果係可以去到99%以上嘅，所以就算無套，都唔需要擔心懷孕。當然，暫時市面上冇100%嘅避孕方法（除非結紮/唔進行性行為），但只要每日準時食藥，即使只用一種避孕方法，個懷孕機率都可以低到0.1%，唔需要太過於擔心
只使用避孕藥避孕同只使用安全套避孕
係咪前者嘅避孕機率會更加高？
我知道雙重避孕機率會更加高，但係想試下無套嘅感覺，所以只使用避孕藥已經好安全？
冇錯，使用避孕藥嘅避孕效果係會好啲嘅，但係兩者之間嘅差距只係大約1-2%左右。當然前提係要正確使用，即係要保證每日準時食藥，使用安全套嘅話就要保證全程都有佩戴，同埋冇穿。好似我上面咁講，就算淨係使用避孕藥，只要每日都準時服用，冇漏食嘅情況嘅話，其實都係相當安全嘅～