我同男朋友一直無插入式性行為，只會係我幫佢手淫或佢幫我指淫。每次我地都會洗手後先幫對方，為求保持清潔同安全。但係我今次黎M已推遲左6日都未黎，平時胸漲/便秘等症狀都無出現。我依稀記得自己有次幫佢手淫後，我去沖涼。隻手有觸碰到自己陰部，但唔記得事後究竟有無清潔雙手。
沖涼時間大概半個月前。我琴日用驗孕棒測試，結果係陰性的。雖然理智叫我唔使怕，但係我都會諗：-
麻煩晒你地！
Hello~等我逐題答返你啦🫶🏻
首先，精子暴露喺空氣中通常幾分鐘內就會死亡，而且精子需要有精液嘅保護先可以生存，所以當接觸到皮膚、紙巾等表面嘅時候，精液會被吸收同揮發，進一步減低精子嘅存活率。接觸到液體，例如水嘅時候，基本上會立即死亡，所以你呢種情況懷孕嘅風險係非常之低嘅，唔需要擔心太多～
無論月經周期係幾多日都好，驗孕嘅時間都係由性行為之後開始計11日嘅。驗孕棒其實係透過尿液測緊hCG嘅水平。hCG是卵子受精著床之後身體會產生的一種荷爾蒙。如果真係懷孕，當受精卵著床，身體就會分泌呢種荷爾蒙，hCG。因為hCG嘅分泌會隨著懷孕嘅日子增加。所以你於愈後嘅日子驗孕，就會因為體內嘅hCG會愈多，而愈容易得到準確嘅驗孕結果 。11日係一個基準線，如果有懷孕，咁係一定可以驗到出嚟嘅。所以你琴日嘅驗孕結果係準確同可靠嘅，可以放心
。
其實一般喺坊間大型連鎖個人護理商店買到嘅驗孕棒都係非常可靠嘅，只係我哋就未必建議去一啲比較細嘅藥房購買，因為佢哋嘅來源或者賣嘅牌子就未必可靠。而無論你係買電子驗孕棒定係一次性驗孕棒，佢哋嘅準確度都係一樣咁高。只要有按照驗孕棒說明書上嘅指示使用，結果其實係相當準確嘅。如果你真係擔心嘅話，可以買兩個唔同牌子嘅驗孕棒，咁就可以有兩個唔同嘅結果做double check。如果兩個牌子驗孕棒檢測出嚟結果都係陰性嘅話，其實都幾肯定係冇懷孕。
都明白你可能見自己仲未嚟M，所以擔心自己係懷孕。但其實有好多唔同因素會影響經期，例如生活作息、飲食習慣、情緒壓力等等。你對自己有冇懷孕嘅擔憂都可能形成壓力，影響咗經期。暫時可以再等吓先嘅～但係如果月經遲咗三個禮拜以上都未嚟，咁就需要睇醫生，睇吓醫生會唔會考慮開催經藥畀你
。
多謝你好詳盡嘅回答！咁我再等等睇下
你好啊 我係呢七日內都有驗過兩次，兩次都係negative。但係一直未黎。我依家有M痛同乳頭痛嘅情況，雖然知道有機會係谷M，但都好怕係懷孕前兆。
我前幾日睇左中醫，佢就話我可能係壓力大，開左啲藥比我。暫時仲未見效…
除左懷孕，有無其他因素令到我遲黎啊？我會唔會係有咩病？
而且我乳暈都有變大變深… 會唔會係懷孕嘅徵兆？
除咗情緒壓力之外，其實生活作息，飲食習慣，最近有冇服食藥物，運動量等都會影響月經周期。另外有關乳暈變大同變心嘅情況，的確懷孕初期症狀包括以上情況，但同時月經來之前都有女性出現以上情況，因為兩者都係受着荷爾蒙轉變而出現嘅情況，明白一啲症狀嘅出現令你好擔心係咪懷孕，但正正因為呢啲症狀同月經前症狀都好相似，所以我哋唔可以單憑呢啲症狀判斷自己有冇懷孕啦，而且你都喺性行為之後七日進行驗孕，如果有跟足說明書嘅做法，結果可以話係非常準確，所以唔需要太擔心
唔該你啊！
都想問一問一個科普問題，驗孕棒有無機會係先陰性，之後突然轉陽性架？（假若陰性凱驗孕結果係性行為11日後先做嘅）
陰性嘅*驗孕棒結果
唔會有呢個情況啊，好似上面同事所講hCG水平會喺懷孕之後就開始分泌，而且係懷孕嘅日子越耐， hCG水平會越來越高，所以並唔會出現你所講嘅情況～