控制唔到排尿?

前晚去親戚屋企,因為太攰所以睡在阿婆嗰張好硬嘅硬床側睡大約兩個鐘,本身都無咩事,但係唔知點解起身之後幾個鐘,開始尿頻,痾極都仲有,不過係越痾越少,而且排尿完之後下面尿道口係類似抽搐嘅痛,幾秒後就唔痛,直到今日,排尿後尿道口痛嘅情況明顯減輕左唔少,但係唔知點解會控制唔到尿液流出,即係會喺唔急尿嘅情況下會咇左少少尿液出黎,尋日仲要係喺街明明忍到,但係一返到屋企諗住換衫就忍唔到,最後整濕左條底褲。。
好困擾,唔知發生咩事,之前同男朋友有戴condom做,應該唔太關事?

頭先分析過,每次排尿到最後痛咗,應該唔係尿道口,而係陰蒂同埋尿道口中間位置?
同埋陰蒂好似紅紅地腫腫地,係咪有問題?

不過要撐開陰唇同埋陰蒂包皮先見到 同埋輕輕掂落去已經好敏感 而個size應該係正常size嘅兩倍

依家都肯定係尿道口 唔關陰蒂事…因為feel到

Hello 你嘅情況最有機會會係急性膀胱炎,或者係尿道炎。

尿頻、尿急、尿痛、尿渾濁係其中一啲膀胱炎或者尿道炎常見嘅症狀。因為尿道口同陰道好近,係性行為嘅中,可能會唔小心將外陰部、會陰嘅細菌帶到尿道口,當身體抵抗力不足嘅時候,就會好容易引發急性尿道炎或者膀胱炎。

其實呢個情況好普遍,有好多人都有經歷過。最好嘅方法當然係快啲睇醫生,同返醫生講你嘅情況,盡快醫返好佢。呢段時間可以着啲比較鬆身嘅下半身衣物,沖涼嘅時候都可以盡量留意吓陰部,留意吓陰部清潔(用水就足夠,千祈唔好用刺激性清潔液清洗或者用任何方式灌洗陰道)。另外日常生活都可以多加留意自己免疫力,例如盡量唔好經常捱夜。

希望幫助到你。

係咪要食抗生素?同埋大約幾耐好返?
因為我諗住睇家庭醫生 佢開嘅抗生素比較貴 所以諗住預多啲錢去睇

係咪要食抗生素要視乎返醫生診斷而決定。至於要幾耐好返,都好視乎唔同情況,一般嚟講可能會係幾日到幾個星期都有機會架。

但係想問尿道炎或者膀胱炎係咪一定有血尿?
因為見唔到尿液有血

。,

今日觀察成日 尿急尿頻同埋排尿後痛嘅情況幾乎冇左 好咗好多 點解會咁嘅?會唔會同睡姿有關?

有血尿嘅情況都係因人而異定,同埋因病情而定,並唔係所有患上膀胱炎或者尿道炎嘅人都會有血尿嘅情況。

當然一啲心理因素,例如情緒壓力,生活作息,同埋飲食習慣都會有影響,所以喺呢度都好難答你點解突然間冇咗一啲症狀,但如果症狀再次出現,都非常建議你去諮詢醫生嘅意見:ok_woman:t2: