上年 年尾 因為同男友冇帶套試過滴蟲陰道炎，男友自己去檢查尿液都係有滴蟲、 之後我地都即刻食抗生素好返、 因為咁我發生第25日後就做埋所有全面性病檢查，全部正常。基本上所有野都驗哂了， 格左4個月後再自己用doctoreys hiv 再檢係陰性、 男友就3個月 後全面性做左一次性病檢查，全部正常。 由於我地之前都試過冇用安全套，不知道果次點解我會滴蟲、 男友話冇出去搞搞震、變到我有小小不信任佢。 但我做了仍然不放心， 成日覺得之前檢查準唔準呢等等！ 依家已經5個半月 了，我地冇性為大約4個月以上，最近 佢用手摸我下面， 事後我又開始有小小憂慮、因為我男友本身做餐飲會掂到水、 一直有煮婦手/ 隰疹、 我又會憂慮會唔會有開放式傷口 感染到性病呢？ 或者 會唔會又諗個個唔係 煮婦手呢。
我知 大家已經檢查左所有野 應該要信任對方。
依家唔知係米係時候 放低一下， 要恢復返正常生活， 唔好再諗呢d性病？
補充返、 男友驗左兩次尿 先至染到滴蟲 ，因為婦科醫生 冇理由佢冇、 叫佢再驗多次， 佢一直冇病徵、 而我果次性行為後、14日後即刻唔舒服所以呢樣野 令我覺得男人驗性病好似好難驗得出咁，同埋好似病徵冇女人冇咁大反應？、男人 尿液會沖淡d菌？
所以呢d憂慮都係令我對結果既信任， 當然超過3個月驗血果d 我估會好準， 但我經過呢d經歷 都有陰影， 會憂慮。
最奇怪係 我有人型支原體同微小尿原體
但冇病徵， 都係檢查時發現有先知， 而佢檢查過又冇呢兩樣野！
不過上網睇過 話 好多人都有， 傳染/ 本身有、 所以諗緊佢點解會冇， 一直呢d問題都令我困擾。
男朋友已經話我有多疑同憂慮症
Hello
首先解答返有關性病嘅問題，一般性病都係透過高風險體液（精液、陰道分泌、腸液、血液）同受傷嘅黏膜組織（陰道、尿道口、肛門、腸道、眼睛、口腔等）直接接觸而傳播。如果性行為本身無牽涉呢啲部份，或者有使用安全套，會導致性病傳播嘅機率好低。不過都有啲性病係會出現症狀係皮膚表面，例如椰菜花同出現係陰毛嘅陰蝨，如果無安全套保護住嘅性器官直接接觸到，一樣會有風險。另外其實並唔係所有人患上性病都會出現病徵，呢一樣嘢係冇分性別嘅，而且性病檢測有分尿液檢測，同埋血液檢測，有關於男朋友第一次做性病檢測驗唔到任何性病嘅結果，除咗因為檢測方法唔一樣之外，亦都有機會係身體感染咗病毒，但病毒數量未足以達到醫學檢測到嘅水平，所以亦都唔關尿液沖走細菌，同埋男性嘅病徵比女性較為唔嚴重嘅說法。
至於根據你文字嘅描述，都感覺到你就住性行為同埋性病嘅事情比較緊張同埋不安，導致自己反覆去思考自己或者男朋友感染性病嘅源頭，或者停止性行為去避免感染性病等。當然唔發生性行為係大大減低患上性病嘅機會，但好似上面所講，一啲出現喺皮膚表面嘅性病，即使有帶安全套都有機會感染唔到，所以除咗性行為之外，亦都可以留意個人衛生習慣，例如有冇妥善清潔性器官，夏天嘅時候避免着緊身嘅褲，沖完涼之後記得抹乾陰部先至着底褲等，都係有效地避免細菌或者病毒傳播。但如果已經見你提及做咗性病檢查，其實都唔需要太擔心，如果想更加保障自己同男朋友嘅話，都可以考慮打返相關嘅疫苗，例如HPV疫苗可以大大減低感染一啲常見性病嘅風險，所以你都可以考慮同男朋友一齊接種，咁就更加安心啦
其實3年前已打左 hpv 9價針了，
我係上年年已尾發生無套性行為 果次有滴蟲之後既第25日 已經check 左 驗血，hiv 乙肝、 兩肝，梅毒。
然後不安再 格左兩個月 再check 高低hpv ，以上全部陰性正常
但同埋check 左非淋一系列既性病， 除左人型支原體及微小尿原體之外 全部正常。
之後格左 3個月 後 再自己快測check 多次hiv 都是正常陰性， 不過就冇check 梅毒。
但男友同樣以上全部都同我一樣格左3個月 check 過 哂， 不過佢冇人型支原體 及微小尿原體。。。。。
我依家最大問題 係米憂慮過份擔心， 我有時覺得同你地傾完 講出黎 有人安慰係會舒服d , 多謝你哋
再問問 同男友高危後第25日 醫生驗血清梅毒vdrl 陰性
男友在高危 3個月後先驗血， 梅毒抗原TP 陰性
其間 冇再性行為
其實係米可以排除大家冇事？ 
而hiv除左醫生幫我第25日 用 p24抗原 及hiv1/2抗體 是陰性外 ，我自己都用了doctoreyes 快測 都係在 第87 日 及136日驗過都是陰性， 呢款快測是準確嗎？
琴日太擔心 買左Doctoreyes 梅毒TP快測 check
結果都是陰性。 琴日距離已經5個半月了
咁見你透過醫生同埋自己檢測嘅結果都呈陰性，基本上已經可以排除幻想性病嘅風險。至於有關焦慮症，一般情況來講，適當嘅擔憂焦慮可以協助個人避開危險嘅處境，亦都促使佢哋解決日常遇到嘅問題。但某啲人會比起其他人更容易產生焦慮反應，焦慮嘅程度同埋持續時間都會比較強烈同埋長，甚至影響個人日常生活。而焦慮症嘅其中一種—廣泛性焦慮症，指經常被恐懼同埋擔憂困擾，而且當事人唔能夠控制自己擔憂嘅問題，亦都不能容忍難以預計嘅情況，並且症狀持續出現超過六個月。因為都見到你擔心患上性病嘅時間都持續左大概五個月，所以如果再出現焦慮嘅情況，好大機會會影響日常生活同埋自己嘅情緒啊，所以第一步可以先嘗試相信醫生/科學嘅結果，慢慢去接受自己冇患上性病嘅風險，而且當焦慮嘅情緒再出現嘅時候，都可以搵信任嘅人例如你男朋友，或者我哋傾訴，如果情況嚴重落去，就有機會需要專業人士嘅介入～