有時熬夜會下腹少少悶痛（非經期）同口渴情況，係因為乜嘢嘅因素？
Hello~捱夜其實對身體係有好大損害嘅
，因為身體需要休息，進行排毒，同埋新陳代謝，所以你嘅情況應該係因為身體休息唔夠而導致嘅。因為唔清楚你下腹係邊一個位置/器官痛，所以唔能夠判斷係消化系統，肝臟，定係泌尿系統唔舒服，呢度會建議你搵返醫生面診，會比較準確。至於口渴嘅情況，比較大機會係因為捱夜上火，身體出現發炎嘅情況，所以先會咁。如果想調理身體嘅話，係一定需要早啲瞓嘅，最理想瞓覺嘅時間係11點。當然我亦都明白，有陣時係好難咁早瞓嘅
，所以我哋可以一齊訂個小目標，例如12點瞓～另外，你可以食多啲生果補充維生素，如果有需要嘅話都可以睇中醫調理身體。不過因為每個人嘅感受同體質都唔同，所以我哋呢度就唔會有任何醫生嘅推薦啦！
1個讚