之前3月25號婦檢發現有人型支原體同 微小脲原體，冇病徵。之後醫生開左多西環素Doxycycline7日清左佢， 但4月尾再驗dna 仲係有菌， 醫生話可能同性伴侶傳染或者未清哂隻菌， 但我明明冇再行房。 之後再食多10日Doxycycline再驗多次。但就用種菌方式去驗隻菌、 會check埋 藥物敏感
但最近，醫生打比我 話仲係Detected到， 叫我返去覆診
咁我上網查， 其實好多人都係食Doxycycline都好返， 因為呢隻藥 比較少耐藥性、同埋個個都好容易去醫治！ 我睇完有點唔開心， 因為我食左17日 仲未好、 好驚自己會唔會對好多藥都耐藥冇得醫架？ 
會唔會我身體差 免疫力唔好？
Hello~首先～你要明白每個人嘅體質唔同，只係呢隻藥對你唔Work，你同佢唔夾啫，唔係你嘅錯，千祈唔好怪責自己！就好似有人鍾意食榴槤，亦都有人連聞到榴槤味都會作嘔咁，而除咗榴槤之外，我哋仲有好多其他選擇㗎嘛！所以唔需要擔心自己醫唔好嘅，只係可能需要複診嘅時候轉過第二隻藥，一切根足醫生嘅安排，咁就唔需要擔心㗎喇
。喺你身邊嘅所有人都係用緊佢嘅方法去幫你同埋改善你嘅情況，所以你可以放鬆啲🫶🏻
因為睇左幾個月又食左咁耐藥 仲未好，好沮喪。。。。 同埋加埋上年食陰道炎藥足足5個幾月都好困擾所以先咁唔開心。好希望醫生今次換左藥 係好返哂。。。唔洗再出入診所醫院，依家睇婦科睇到驚。。
明白嘅，希望今次換嘅呢隻藥可以發揮到藥效啦！
覆完診 睇左報告， 原本有兩隻菌， 依家得返人型支原體
因為我己經食左兩次療程， 加埋17日，醫生話食完呢次7日轉左藥， 可以考慮驗菌或唔驗都得
因為佢話呢隻菌其實好難清， 過一排都有機會出返黎， 佢話所有婦科病都係咁， 免疫力差就會出返黎咁講， 仲話好多人都有呢隻菌，最緊要冇唔舒服同冇病徵就得啦， 佢話一般性病傳染醫生直情唔當呢兩個係性病處理，但婦科一般見到有都係盡量清左佢、 驚之後d菌愈生愈多咁解。
另外， 因為我上網成日見到支體體會影響日後生育/不孕/塞輸卵管， 但婦科醫生話唔會， 話衣原體先會，想問其實我可以照聽緊醫生咁講、 作觀察住先？