尿道口有粒白色嘅不明物體

5好意思,有問題想問
星期一無意中檢查下面,見到尿道口位置有粒白色嘅嘢,平時尿道口應該見到有條縱向ge罅但係當時影ge時候好似下面呢張有粒白色ge不明物體,好似塞住尿道口咁,見5到條罅, 當時去廁所會尿急、屙完尿之後會痛,係咩原因?會5會係尿道口發炎?不過而家見得返尿道口條罅,同埋排尿亦都冇任何5舒服:face_with_monocle:求解thx

[Admin: 為保障閣下私隱及安全,相關圖片已被移除。溫馨提示:請勿在論壇上發佈性器官或身體部位的照片,如有需要,請盡快前往求醫作進一步檢查。]

Hello 因為張圖都唔係睇得好清晰,未必能夠好準確咁講到係咩情況。同埋都想問多少少,你依家仲見唔見到依粒白色野?同埋你仲有冇覺得痛或者唔舒服嘅感覺?雖然未係好清楚詳細情況,不過,呢度我都可以嘗試講吓有機會會係有咩可能性啦。

首先,有機會會係小陰唇入邊皮脂腺發炎,引發咗毛囊炎,即係類似生暗瘡生痘痘咁,有時天氣好熱、壓力大、免疫力差嘅時候都可能會造成呢個問題。一般嚟講幾日就會消退,如果成個星期都冇消退嘅話都要睇醫生處理返。

另外,都有可能係個個位置生咗嚿息肉,咁呢度都想問多少少,就係佢會唔會有好痛嘅情況?如果有嘅話就有機會喺泌尿科疾病,就要睇返醫生處理返。

都有可能,只係個大陰唇遮住咗尿道少少,因為大陰唇本身都係會保護到尿道嘅,係個好正常嘅情況,不過張相zoom得有啲太埋,同埋有啲太矇,就唔係好能夠確認到係咪真係呢個情況。

仲有個可能,就係可能去廁所嗰時,有少少紙巾癡住咗冇沖走到。

呢度都未必講得晒所有嘅可能性,因為就咁睇圖,同埋得呢度嘅資料都未必好清楚係咩情況。不過最緊要都係留意番,自己嘅陰部位置有冇咩唔舒服,會唔會有咩特別嘅分泌物,如果覺得有唔舒服或者出現奇怪顏色或者特別質地嘅分泌物,就可能係有啲特別情況,就需要睇醫生啊。

希望幫到你。

宜家粒白色嘢無左,而且可以好清楚見到尿道口,
因為無掂到嗰粒嘢,所以5知痛5痛,不過自從呢粒嘢冇咗之後,去小便已經5痛同埋5急尿
應該5係紙巾,因為影ge之後佢係凸起左,

如果而家已經唔痛嘅話,咁比較大機會係第三個原因,係大/小陰唇遮住咗個尿道口,身體自己調整返位置之後就冇事啦!

因為本身大小陰唇就係會遮住尿道同陰道,作為保護嘅用途,所以唔明嘅話,可以參考吓以下呢幅圖:
圖片