同一個人搞完先知佢有椰菜花，想知惹到嘅風險有幾大？過程如下：
互摸上身
互摸J
佢幫我含
之後我幫佢帶套，呢個時候右手摸到佢下陰有一粒野，
跟住搽KY，應該冇用右手，
跟住頂咗入嚟我菊花，大概三份一度，因為太痛所以就停，肌膚有少少撕裂感
跟住我坐喺度打咗陣飛機，但硬唔起冇出到，
佢含左我腳趾一陣，我就走去沖身，有用梘液洗後面前面，用自己毛巾擦乾淨，之後再搽少少洗手液消毒後面同袋袋。
之後再請佢俾我睇多次，都好肯定係椰菜花，生哂喺pat pat度但唔近菊花嘅，我呢個時候真係好驚，佢話佢都唔知係咩嚟。
回想成個過程淨係右手有直接掂到啲花⋯⋯
件事都發生差唔多兩個禮拜，一路check住，雖然冇咩特別但時痕時唔痕都好驚，同埋都驚菊花有撕裂感，同埋都驚中hiv ，想知風險高唔高
衣家真心後悔咁樣出黎玩⋯⋯
Hello~ 性病疣（俗稱椰菜花）係由人類乳頭瘤病毒（HPV）嘅其中部分型號嘅病毒（主要為HPV-6或HPV-11）所引起嘅。佢嘅傳播途徑，除左性接觸之外，亦可透過皮膚接觸傳播。即係話就算冇發生插入式性行為，都可以透過黏膜（例如 肛門、直腸、口腔、陰道等）或者皮膚傷口，同患者生殖器上的疹接觸，都可以傳播得到。特別係因為黏膜組織都比較薄／脆弱，容易在磨擦情況下造成傷口， 一旦淌血情況下傷口直接接觸到患者生嘅疣，就有機會傳播得到。
所以如果當時手部、口部、生殖器官都無傷口，即使接觸到受感染嘅部位，傳染嘅機會係好低。不過就要留意有機會口腔及生殖器官黏膜組織比較脆弱，有機會摩擦期間，黏膜組織有微細嘅地方受損，自己未必容易察覺得到，而呢類傷口在淌血嘅情況下，可以受到感染嘅機會就較大啦 
。
無論咩時候，其實我地係好難完全掌握伴侶／對方嘅過往性歷史及性病情況。都提醒番，每一次有性接觸／發生性行為，都建議做好安全措施 （例如戴安全套），咁就可以減低性病傳播嘅風險啦。
如果擔心嘅話，其實都會建議過咗三個月空窗期之後去做一次性病測試。性病疣（俗稱椰菜花）檢查方面，可以考慮以下機構：
政府社會衛生科服務診所：各類型性病檢查（較全面
如果現時已經有病徵，醫生可以即時處方藥物
）
提供性病測試的私家醫療服務中心（可以了解一下咩嘅檢測計劃係包含HPV檢查）
未來都可以考慮接種HPV疫苗，咁樣就會更加多一份保護，能夠預防感染HPV病毒嘅機會 
（不過要注意嘅係注射HPV疫苗之後，並唔可以防禦所有嘅性病或其他感染）。如果你想更加安全，就仍然需要使用安全套。疫苗相關資料可以參考：https://www.hpv.com.hk/
多謝你解答。
其實前幾日走左去驗左JJ，報告都係negative，只不過擔心空窗期驗唔到咁樣。
衣家擔心會唔會中HIV，因為近派抵抗力差左中左covid又生唇瘡。 雖然對方話佢上個月有做HIV快測，但口講冇憑…
已經買左快測諗住下星期測，諗住準少少，但covid唔知會唔會影響到結果…好多野諗…
其實係咪帶左套都唔應該驚咁多？
因為HIV嘅空窗期都要三個月到，所以你淨係隔一個禮拜就進行測試嘅話，個結果係唔準確嘅，建議你再等吓先。至於你話帶咗安全套係咪冇咁驚，的確帶咗安全套係保險啲嘅，但係都依然有感染風險，純粹係風險較低。另外，因為見到你哋係口交完之後先至帶套嘅，因為好似上面咁講，比較脆弱嘅黏膜組織都係有機會傳播性病嘅，所以咁樣嘅話風險又會高返啲。不過因為唔同人嘅體質唔同，加上你又唔確定對方係咪真係有hiv，同埋最近自己又病咗，所以個感染風險真係好難判斷嘅，都會建議你過咗三個月之後去可信賴嘅機構做個詳細嘅性病檢測，咁就唔使心掛掛啦！