上個月17-23/4嚟m 到宜家仲未嚟
期間只係進行過五次sex (23/4, 14/5, 21/5,26/5) 全部都有用安全套 事後有check
唔知關唔關事 但五月頭中過covid 之後曾經有非常少嘅出血 但唔知係咪period
呢個星期keep住肚痛 胸部有啲脹痛 完全冇分泌物 似嚟m嘅感覺但遲遲都未嚟
本身嚟m都會遲少少 但冇今次遲咁多
想問咁樣會唔會係有咗?
Hello~月經遲嚟的確好令人擔心嘅，不過可以放心，你懷孕嘅機率係好低嘅～你使用安全套後，有灌水檢查，咁可以確定有成功避孕嘅，唔需要擔心。
至於月經延遲嘅原因有好多，體重過輕，壓力大，生活唔規律…都會導致月經遲嚟。雖然暫時未有研究證明COVID對月經有影響，但係都有唔少女仔同我哋講中咗COVID之後月經有延遲，所以可能都係其中一個因素。除非月經比起平時遲咗三個星期以上都未嚟，先至需要睇醫生，等醫生考慮會唔會處方荷爾蒙藥物畀你去催經。現階段可以再等下先，如果真係好擔心，可以最後一次性行為之後嘅11日驗孕，嗰陣時嘅結果就最準確～
hello 請問點樣為之遲三個星期? 係咪由上一個月即 23/4開始計？
同埋我上述嘅描述係似嚟m定係有咗？其實兩者有咩特徵可以區別到？
另外多謝你嘅回覆
遲咗三星期來月經，係由本身你預計呢個月會幾時嚟開始計，例如上個月你係17號嚟，咁都預計今個月係17號嚟，如果由17號開始計之後三個星期都未黎嘅話，先至需要睇醫生。
至於你性行為後，出血嘅情況屬唔屬於月經，一般來講只要出血情況係三日以上，都可以稱為月經，當然經血量，同埋經血嘅顏色可以受到唔同因素影響，所以如果你嗰幾日嘅出血顏色同埋經血量都同之前差唔多，咁嗰一次嘅出血有機會係月經。
我嘅意思係想問"呢個星期keep住肚痛 胸部有啲脹痛 完全冇分泌物 似嚟m嘅感覺但遲遲都未嚟"呢啲徵狀係似嚟m定有咗? 同埋兩者最大分別嘅徵狀係點？thank you!
sorry 麻煩你可唔可以覆一覆最新留言？感激
感覺似黎M前既徵兆多D 不過一時時 我之前一向同你一樣情況 谷M 試過咁既感覺成一個幾禮拜先黎M
我月中都出現左呢個情況 但係而家都味黎M 好擔心 又係4月18號黎M上個月 但係琴日驗左次又無事 不過唔係晨尿 
你所提及嘅情況/症狀，其實同懷孕前症狀的確係好相似，但正正因為兩者咁相似，所以就唔可以單憑呢啲症狀去判斷自己有冇懷孕，所以亦都好難答你兩者嘅症狀最大分別係啲咩，因為每位女性嘅身體都有唔同嘅反應，就好似有啲女性即使係懷孕都唔會有嘔吐嘅情況。如果你真係擔心嘅話，就建議你進行驗孕，但見你都有講每次性行為都有檢查安全套冇穿嘅情況，咁其實意外懷孕嘅機會都較低，反而嘗試吓放鬆落嚟，都有機會令月經嚟，因為情緒壓力都係其中一個影響月經周期嘅重要因素～