你好
我已經食咗YAZ避孕藥有兩年幾
今個月5號開左新一包，8號完經期
啱啱發現今日已經應該食第22粒，但發現原來淨係食咗20粒，所以啱啱連續食咗兩粒。
我22號有性行為
問題係我唔知我邊一日唔記得咗食，我琴日（25號）已經因為24號冇食到而食咗兩粒。
今日內褲有啲啡色分泌物(唔多），但係suppose 5日後先嚟M
請問分泌物係因為我miss左食而提早黎m? 定係佢係排卵期出血？
仲有，我食左藥有已經兩年幾，係咪漏食一粒都唔會影響藥效？如果會影響藥效，我應該點做？
你好～ 理論上如果已經食咗兩年，有一次漏食，喺一日內補食返係可以的，不過如果你唔知道自己邊一日漏食，即係都唔確定漏食後過咗幾多日，就會影響到藥效喇～ 所以22號嘅性行為係有風險的～
如果你有憂慮，建議你喺性行為7日後（29號起）驗孕，可以得到初步嘅驗孕結果，而喺性行為11日後（6月2號起）進行驗孕，到時嘅結果就會較準確及可靠～ 不過如果冇事嘅話，你5日後應該會嚟M，咁都可以唔洗擔心喇：）
至於平日漏食可以點處理，主要係：
1）儘快服食漏咗嘅藥丸（即時有機會要同時食兩粒），之後就照常按時服藥
2）喺發現漏食嘅未來7日用返其他嘅避孕措施
3）照常完成整盒藥丸
至於你見到嘅啡色分泌物，俗稱流啡，係身體荷爾蒙水平改變時會發生嘅現象～ 你尋日食咗兩粒，身體嘅荷爾蒙水平有明顯改變，所以出現流啡都係正常嘅～ 至於排卵期出血嘅可能性就比較低喇，因為你食咗兩年Yaz，月經週期會比較穩定，排卵期係月經週期嘅正中間，姐係約第14日，你而家係大概第22／23日，所以都唔太likely 喇～
希望以上回覆幫到你～
我今日已經係第四日有啡色嘅血，量比平時月經少。今日食第2粒冇藥效，我本身suppose 6月1-2號先黎m。呢個情況係黎m定係流啡？
如果呢四日嘅血量都同平時月經差唔多嘅話，咁好大機會係月經。至於月經提早咗嚟嘅原因，好大機會係因為之前你一日內食兩粒藥嘅關係，導致荷爾蒙水平轉變，但都唔需要太擔心～