唔好意思，都係想詢問返關於懷孕機率
女方對上一次嚟M係4月27號
我哋5月11號發生咗少少性行為
大家都係用手幫對方
當男方射出精液之後
有用紙巾去清潔地方
清潔嘅時候手指可能無意中接觸到精液
應該係係透過紙巾滲透上來
5-15分鐘之後手指放咗入女方陰道
中間接觸過皮膚以及少量衣物
請問懷孕機率？
唔該
你好～ 唔使擔心，你呢個情況嘅懷孕機率係低嘅～
首先，精子係非常之脆弱嘅，佢暴露係空氣之中幾分鐘就會死亡～ 雖然男方喺射精後，透過紙巾接觸到精液，但精子本身無法穿過紙巾，同時精子喺接觸到其他物質之後會更加容易死亡，加上精子係需要用精液作為媒介提供養分同埋保持活力，紙巾本身會吸乾啲精液，令精子冇養分同埋乾涸死亡～ 再加上已經隔咗5-15分鐘，精子喺失去精液保護之下暴露於空氣之中，好大機會已經死亡～ 所以你懷孕嘅風險係好低好低好低架～
希望以上回覆幫到你～ 
女方今日都未嚟M
所以越嚟越緊張了
明白女朋友月經喺預計嘅日子都仲未嚟係一件好緊張嘅事，但其實仲有好多因素影響月經周期，例如情緒壓力，最近有冇服食藥物，生活作息，飲食習慣等都會有所影響，所以如果我哋判斷過意外懷孕嘅機會較低嘅話，就唔需要太擔心啦
買咗屈臣氏驗孕棒
目前係陰性
但係女朋友都係好驚
唯有希望佢快啲嚟M
因為你已經喺性行為之後11日以上驗孕，所以驗到陰性嘅話就已經好準確㗎喇，唔使太過擔心。有關月經嘅話，有時太過驚太過擔心，都會造成無形嘅情緒壓力而影響咗月經遲嚟。明白可能冇咩經驗面對呢啲情況所以會驚，不過驗孕棒都好準嘅，驗到係陰性嘅話，就唔使太過驚係有懷孕風險啦。