未夠16 但係有左 點算

如題:smiling_face_with_tear:
而家仲讀緊書 所以一定唔會生出黎
想知道家計會落仔嘅詳情
eg需唔需要家長陪同?:sob:

家計會嘅話未夠18歲好似係要通知家長
18歲以上在會視乎情況

如果未滿15歲會唔會有咩事發生:smiling_face_with_tear:

Hello​:ok_woman:t2:有關於終止懷孕方面,要知道本港合法終止懷孕的話,係需要得到兩名註冊醫生證明繼續懷孕會對孕婦生命構成嘅生理或心理損害較終止懷孕大比較大。如果決定要終止懷孕,首先要確認自己嘅懷孕週數,因為週數嘅長短係會影響自己去邊個機構/醫院接受終止懷孕。家計會只會為懷孕期10週內嘅就診者提供藥物終止懷孕/手術終止懷孕(真空吸引術)

  1. 相關流程:
    家計會護士會系首次接見就診者嘅時候,會先問你個人病歷、進行尿液驗孕,同埋向你提供有關終止懷孕的基本資料及輔導。由於家計會認為終止懷孕係一個重要嘅決定,所以會建議就診者於初診後重新慎重考慮係咪要進行終止懷孕。
    假如就診者決定終止懷孕,家計會護士將安排就診者再次約見醫生,商議及評估終止懷孕風險,同埋進行身體及盆腔檢查,以確定就診者是否適合系家計會進行終止懷孕。

視乎你嘅懷孕週期、身體、心理狀況,醫生衡量過你終止懷孕嘅迫切度,都會影響你嘅排期次序及時間 如果家計會認為健康情況唔適合系家計會進行終止懷孕(例如長期病患者、長期服藥/個別情況),亦將會轉介去其他政府或者私家醫院

  1. 輔導員會問咩:
    輔導員嘅主要工作係為你提供情緒疏導及支援,協助你同伴侶溝通及討論終止懷孕嘅決定,同埋提供醫療、法例、社會服務等資源嘅資訊。
  2. 會唔會通知/需要家長陪同:
    家計會並唔會擅自聯絡你嘅家人,除非得到你嘅同意。但因為終止懷孕係一個重大嘅手術,所以如果未成年嘅話係需要家長或者監護人簽署同意書嘅。另外見你提及你15歲會唔會有啲咩影響,因為喺香港與未成年少女(16歲以下)發生性行為(即使你同意都好)都屬於刑事罪行,所以喺家計會處理有關程序嘅時候,都有機會被呈報上警方,但呢方面可以同有關嘅輔導員傾談。

以下喺關於家計會終止懷孕嘅資料,你同伴侶都可以參考一下:終止懷孕 - 香港家庭計劃指導會 3

如果你想了解多少少關於家計會以外嘅選擇,你都可以參考翻青躍以下嘅資訊,當中有唔少關於收費、唔同公立、私立醫院提供嘅服務。https://www.instagram.com/p/B8B2M5cn1YW/