好怕事後藥無用

我最後一次嚟m係4月尾至5月頭,以前嗰一年我都有食事前,但因為男朋友飛左就停左⋯正常係嚟m先食翻⋯但因為怕,我係佢翻嚟前幾日食翻(21,22同23),但之後同佢發生性行為又撞正無藥性嘅幾日(正常係咁安全期?)⋯正常我5月1食第一粒藥。我26號7點同佢發生過關係,27號都有,之後29號朝早,未過72小時前,我食左事後藥⋯但我好怕一直未嚟m⋯本身食開藥經期準⋯但我好怕事後藥無用⋯如果係我幾時驗孕先最準⋯⋯? 我點先會知道事後有冇發揮作用⋯?但我都知可能係我亂咁食翻3日藥影響左經期⋯但我好怕因為咁有左Bb…

Hello~聽到你都擔心自己會唔會意外懷孕,不如我從「避孕藥服用方法」、「事後藥服用方法」同「驗孕」三方面講多少少俾你聽呀:raised_hands:

關於「事前藥服用方法」,正常嚟講如果你喺月經週期頭5日開始服用,你就需要連續服用7日以確保身體有足夠藥效;如果你喺其他日子開始服用,咁就需要連續服用14日以確保身體有足夠藥效。另外,如果漏服,都有一個補藥機制,就係係喺漏服之後嘅12-24小時内儘快補食,咁樣都唔會影響避孕功效,但你提到「因為男朋友飛左就停左」,相信都超過24小時,所以確實會有懷孕嘅風險,所以你選擇食事後藥係一個正確嘅選擇。

關於「事後藥服用方法」,其實只要喺不安全性行為後72-120小時内投藥都會做到緊急避孕嘅功效,而「事後藥」嘅原理係透過高劑量嘅人造荷爾蒙抑制排卵,改變子宮內膜環境,從而影響受精或著床過程。由於事後藥都係人造荷爾蒙,所以短期内有機會影響身體嚟M嘅週期,呢個係正常現象,所以都唔需要太擔心。

關於「驗孕」,如果你仍然擔心事後藥嘅功效,希望驗孕,你可以喺性行為後第7日同第11日分別做一次驗孕。因爲受精卵著床需要大約6-9日時間,所以計埋你最後一次性行爲日子27/5,如果你喺性行為後第7日驗 (即係3/6),會得到一個初步結果;然後喺第11日再驗 (即係7/6),就會得到一個準確結果。

希望以上嘅資訊可以幫助到你啦:raised_hands::raised_hands:

因為我食嘅係安立婷⋯而買藥嘅時候,嗰個人話一定要計好係72小時內,如果唔係,會好大件事,但當時只係過左63小時。但食事後會遲嚟m係正常?咁我除左驗孕話無,但如果我一直無嚟m,係咪都有懷孕風險?

只要係喺性行為之後,72小時內服用,咁其實藥效都係能夠發揮到作用嘅。不過呢度都會想問吓你服用嘅事後丸係喺邊度購買?因為事後丸喺香港屬於醫生處方藥物,如果有需要嘅話係要去家計會,私家診所,或者公立醫院急症科睇醫生先可以拎攞到嘅。如果係一般藥房購買嘅話,藥效就未必有保證。

另外,食完事後丸之後嘅一個禮拜內有機會會出現撤退性出血,可以當一次月經計算,跟住下一次月經幾時嚟就要由嗰次撤退性出血開始計。通常嚟講月經都會出現延遲嘅情況,所以係唔需要擔心嘅。呢個都係事後丸好常見嘅副作用,通常食完事後丸之後嘅1-2個月,月經都係會比較唔規律嘅,可能你都要有心理準備。

而驗孕棒其實係透過尿液測緊hCG嘅水平。如果真係懷孕,當受精卵著床,身體就會分泌嘅一種荷爾蒙,而hCG嘅分泌會隨著懷孕嘅日子增加。一般來講,7日已經會有足夠嘅水平可以檢測得到初步結果,11日之後就會有好準確嘅結果,你愈後嘅日子驗孕,就會因為體內嘅hCG會愈多,而愈容易得到準確嘅驗孕結果 ,即係話,就算你一直都冇嚟月經,但係驗孕嘅時候已經過咗11日嘅話,只會個結果係Negative,就可以肯定你冇懷孕。暫時嚟講,可以再耐心啲等吓:relieved:,如果嚟咗月經嘅話,咁基本上就可以肯定冇懷孕啦!