排卵期出血?m血淤塞?

您好呀
想問一下以下嘅情況係咪排卵期出血,定係m未乾淨

5月17日係m期第六日,當日仍有好少量鮮血,但係護墊可以承受到嘅量
5月18日係m期第七日,就剩返極少啡色血
5月19日就完全冇血跡,啡色血都冇
但係5月20日就有啡色小塊血跡,嗰日下午晚上都有出小一片啡色咁,晚上嗰滴啡色係伴隨住白色分泌物一齊出嚟
後來到宜家就冇再見過啡色分泌物

所以我唔太肯定嗰日係m血淤塞先會突然出啡色,定係排卵期出血?
上網睇到排卵期提早會係m期短嘅人先大機會,但係我m期有遲冇早,點都會隔足一個月或者延遲好幾日,咁嘅話仲會唔會有排卵期提早嘅情況?而且嗰日出血時我肚都唔會痛

想問下排卵期出血,除咗係有啡色血,仲會有其他症狀嗎?
因為我晚上即刻去廁所嗰下,發現啡色分泌物底下有埋一滴白色,所以想您判斷下比較似排卵期出血定係純粹m血淤塞未乾淨

同埋5月26日有出現白色黏稠分泌物,但係量好少,得一滴嘅分量
如果根據app咁計算,呢日會係排卵期裡面,但係我m期都唔穩定所以都明唔可以太根據app嘅預測
但會唔會呢日先係排卵?

Hello~根據你嘅講法,啡色分泌物應該係俗稱「流啡」,而白色分泌物應該係「白帶」:ok_man:

「流啡」通常喺嚟M之後,身體未完全排清嘅經血,因爲血液氧化會變成啡色,所以就會變成你見到嘅啡色分泌物啦~而唔係「排卵期出血」或者「m血淤塞」。

「白帶」其實係女性陰道天然分泌物,而佢嘅排出量都會喺排卵期、月經前同妊娠期增加,而你話喺5月18日已經係嚟M第七日,而5月20日應該已經進入排卵期,所以混雜喺「流啡」之中亦係正常嘅情況~

至於你問到排卵期會唔會提早,其實月經週期本來就未必固定不變,反而佢係有機會受荷爾蒙水平改變、食藥、壓力等唔同因素影響,所以對比上一次排卵期,有可能早到,亦有可能遲到㗎~

希望可以解答到你嘅問題啦:ok_man::ok_man:

好的感謝您呀
我想問其實排卵時/排咗卵係咪會有蛋清分泌物?
因為咁我好似冇乜發現過自己嘅分泌物係蛋清狀同埋拉到好長嘅絲
一直以來嘅分泌物好似都係得白色
但係應該唔會有多囊嘅疾病?因為咁多年嚟都有定期嚟m(一個月/兩個月都會嚟一次m)

其實唔一定每個人排卵期嘅時候都會有蛋清狀,可以拉絲嘅分泌物,因為每個人體質唔同,所以排卵期嘅徵狀都會唔一樣。好似有啲人排卵期嘅時候會有啡色嘅分泌物,同埋會腹痛,但係有啲人就會覺得同平時冇分別,呢個都係同體質,飲食同生活習慣有關嘅。只要唔係好唔舒服都唔需要擔心~