自慰奇怪感

我十四歲男,因為兒時割了包皮所以不知道如何自慰,所以從來沒有試過打到射精,打時有種不明的恐懼感,令我不想再打,但有性欲,所以通常看A片只看不打(可能摸一分鐘),以前有夢遺,但到現在幾個月也未有。是我心理問題還是怎樣?未來會不會有影響,最擔心會病,求解答

Hello~明白你都擔心自己嘅身體,關於「夢遺」,其實當身體開始產生更多睪丸素,就有機會發生夢遺,但唔係每個人都有,亦唔係固定週期性發生,所以就算你最近幾個月無夢遺,都唔代表身體唔健康㗎:ok_man::ok_man:

至於「自慰方法」,你提到「打時有種不明的恐懼感,令我不想再打」,你會唔會可以形容多少少:ok_man:例如你係擔心因爲割咗包皮再自慰會容易痛同受傷?

感謝解答夢遺part,我指的感覺是我不太喜歡打時的感覺,加上割了包皮,開始時幾下雖然舒服,但後來手流汗變得很難打,試過用沐浴露但太過激,立即停了。其實不影響身體的話,我打不打也冇所謂,但聽聞長期不射會治病?還是變小?所以很迷惘。請問我要怎樣解決性欲?感謝:pray:t2:

Hello~你嘅情況應該係因為割包皮之後龜頭會外露,唔再係好似割包皮之前咁要隔住包皮去刺激,所以龜頭嘅部份會變得好敏感,打飛機嘅時候會有唔舒服嘅感覺。你可以喺自慰期間嘗試吓只係撫摸同埋刺激龜頭嘅位置,從而獲得快感,令你有射精嘅感覺。不過要留意嘅係,初時直接刺激龜頭有機會好敏感,而造成不適,所以啱啱開始嘗試嘅時候記住循序漸進,按自己嘅感覺去調整刺激嘅力度。

你亦可以嘗試吓係自慰時添加一啲潤滑劑,從而減低包皮同陰莖嘅摩擦,潤滑劑方面建議選擇水性或者矽性,水性相對容易清洗,但係都比較容易揮發,需要定時補塗;而矽性就相對持久,但係唔可以同矽性嘅性玩具(例如飛機杯)一齊用。另外,都唔建議選擇油性,因為相對比較難清洗,如果清潔得唔乾淨都可能會導致發炎,而且如果你自慰嘅時候會使用安全套嘅話,油性潤滑劑都會破壞乳膠安全套。因為沐浴露含有用於清潔嘅化學成份,所以係有一定刺激性嘅,係唔理想嘅潤滑劑,所以可能令你唔舒服。

而射精嘅原理係因為你嘅性器官受到刺激而勃起,刺激累積到一定程度就會出現射精嘅反應。其實龜頭有好多神經末梢分佈,所以係個好敏感嘅地方,觸碰到嘅時候會有比較強嘅感覺,所以有包皮保護。割咗包皮,龜頭要適應唔同嘅刺激同埋對刺激嘅反應,呢啲都係正常嘅,可能你需要啲時間慢慢適應下。另外,除咗直接刺激龜頭之外,你都可以嘗試探索下自己嘅敏感帶,嘗試用唔同嘅力度、頻率、手法或者輔助工具去刺激陰莖同陰莖附近嘅地方,搵一個令你最舒適嘅方式去進行自慰。

至於你話唔打會唔會對身體有唔好嘅影響,呢一層其實眾說紛紜,有專家講過打飛機可以預防前列腺嘅疾病,不過身體機能同性器官嘅大細,其實都受住生活習慣,年齡,遺傳等等嘅因素影響,所以其實都講唔埋嘅。不過有恆常打飛機嘅習慣,的確係可以降低陰莖嘅敏感度,進行性行為嘅時候就可以達到延遲射精嘅效果。不過因為你都仲係14歲,身體都仲未發育完全,所以變數都係好大嘅,打唔打飛機嘅影響其實不大。

希望以上嘅解答幫到你~

1個讚

感謝回答,請問我應在幾多歲才開始自慰?精液長期在體內有冇問題?

其實你有夢遺的情況,代表你開始踏入青春期,睪丸開始製造精蟲,有正常的射精情況,便可以開始進行自慰。有些男孩甚至早到九歲還未開始有射精的情況下便開始自慰。因為14歲開始自慰也屬於很正常。

若不自慰和沒有夢遺的情況下,精液也會自然被身體吸收,因此即或不射精也不存在任何問題。

我亦是兒時割了包皮的,但自慰時並沒有你那樣的奇怪感覺。自慰屬很正常的性欲宣洩渠道,並不需要感到羞恥。大部分男仔都有自慰的習慣。

自慰係屬於個人選擇嚟嘅,冇話幾時開始最好,亦都冇話應該要幾時開始,好取決於你個人。不過就要留意番自慰嘅時間同埋地點,盡量選擇隱蔽同埋私人嘅時間同空間,唔好影響到其他人。而男性嘅身體係無時無刻都製造緊精子嘅,製造一批新嘅精子過程大約需要兩個月左右,唔射精嘅話就會比身體自然吸收,因為精子嘅成份主要係糖分同埋蛋白質,對人體係無害嘅,所以唔需要擔心~