關於射精嘅問題

我之前有光顧過幾次性工作者,並且有進行陰道交。結果係過程中有持續勃起,但點都射唔出,要靠手交先射到精。幾乎每個女女都話我陰莖比其他人更大更粗更長,而且我白己自慰嗰陣,唔單止冇以上問題,而且好快就射到出嚟。到底點解兩樣嘢會有唔同?又點樣可以透過陰道交獲得高潮?

唔該晒:pray:t4:

Hello

自慰同陰道交,定係其他形式嘅性行為,例如手交、口交等等,都係唔同嘅體驗嚟嘅。當自慰嘅時候,因為可以完全由自己操控各種力度、速度、節奏、姿勢等等,所以都可以更加容易地操控到高潮射精嘅時刻。但當同其他人發生性行為,例如你提到嘅陰道交,呢啲都唔係可以由自己控制到,係完全唔同嘅體驗,亦多咗好多不可控因素,需要雙方嘅配合,有時當雙方配合到不足嘅時候,都未必可以咁容易達到高潮射精。

另外,都可能有啲客觀因素,例如陰道交時可能會用到安全套,但平時自慰時都未必會有用安全套,都會有唔同嘅影響。而且如果平時可能會用到飛機杯自慰,但質感其實都同真正陰道交唔同,都可能會有期望落差。

都可能因為心理因素,例如緊張、或者其他情緒壓力等等,或者身體狀況,例如好攰,都會影響臨場表現。

如果想從陰道交獲得高潮,或者可以嘗試暫停自慰一段時間,提升陰莖敏感度。另外,係進行陰道交前,可以增加更多前戲。係進行陰道交嘅時候亦可以對其他身體部位進行唔同嘅性刺激,都可以更加容易令你喺陰道交時獲得高潮。

另外,有時都唔需要太執着陰道交中高潮。如果單純係想獲得性興奮或者高潮嘅話,其實都可以考慮接受其他形式嘅性行為,例如手交、口交等等,都唔係一個問題。

多謝咁詳盡嘅解釋:pray:t4: