我係系22號同男朋友有sex嘅
有帶套有內射（全程戴套）不過射咗之後有做多1-2分鐘先拎出嚟
拎出嚟個時發現個套捲起到陰莖嘅一半
有咁過個套嘅頭個part 冇爛到
不過好擔心有流到出去
個時因為好擔心唔知點做好 第五日先識卡點食120小時個隻事後
係第五日同第七日有check過驗孕棒 冇事嘅
因為我本身經期好亂所以用唔到check經期個個方法
家計會個姑娘最遲3個星期就要嚟M
想問下會唔會好容易有bb同埋係咪如果第11同14日驗孕都係陰性就冇事？
同埋係咪3個星期冇嚟M就代表有左？
再補充下 23號都有sex有帶套
不過做嘅時候都有成日捲起一半
係外面射
Hello~睇返你嘅情況，如果安全套冇穿嘅話，咁懷念機率係唔算高嘅。不過因為你哋做完性行為嘅時候冇喺陰莖攰起嘅情況下抽出陰道，所以當陰莖軟落嚟就有可能令安全套滑落，令精液接觸到陰道入口嘅位置，咁懷孕機率就會高少少，不過就唔等於冇用安全措施嘅。見到你有食到事後丸，雖然時間比較趕，但相對來講機率會再一步降低。如果性行為之後嘅第11日或之後進行驗孕，結果係陰性嘅話，咁就可以肯定冇懷孕。因為嗰時嘅驗孕結果已經非常準確。一般嚟講，食完事後丸之後嘅一個禮拜內會出現撤退性出血，佢嘅情況同月經好相似，不過血量同埋嚟嘅日數都會少啲，可以當一次月經計算。因為事後丸係高劑量嘅荷爾蒙藥物，所以你嚟緊1-2個月嘅月經周期都有機會變得唔規律，都要有心理準備。正常嚟講食完事後丸三個星期內都會有一次月經或者撤退性出血，但係因為每個人嘅體質都唔同，加上月經又受着好多唔同因素影響，例如生活壓力，飲食，運動習慣等等。所以只要第11日驗印嘅結果係陰性，就算未嚟月經都唔代表你懷孕。咁但係如果真係三個禮拜都未嚟就應該要去睇多次醫生，睇吓需唔需要食催經藥。
1個讚
唔該你地阿
1個讚