Hello 想請問事後丸既問題
28/5發生關係 完事發現個套穿左…
到30/5 去左家計會食事後丸，想問下唔係即時食效果會唔會無咁好？
因為上網睇 話愈早食效果會愈好 所以食完都有啲擔心
依家可以做既野就係等黎M?
另外食完事後丸要唔要戎口 架？
Hello你好啊
緊急避孕藥係用高劑量嘅荷爾蒙去抑制排卵、阻礙卵子受精、同埋令受精卵難以著床，達致緊急避孕嘅作用。所以事後藥係有時效嘅，要喺性行為72小時（ 單一荷爾蒙）或者120小時（黃體激素受體劑）內食。
的確，事後藥係越早食越好嘅，不過都明白要喺安全套失效，或者發生完不安全性行為後12或24個鐘小時內服用緊急避孕藥係唔容易嘅，所以即使喺12或二十四小時後進食緊急避孕藥，都唔會失效，仍然做到緊急避孕嘅效果。
如果有正確服用，而且食完短期內冇嘔吐或者嚴重腹瀉，避孕成功率係好高嘅。
食完事後藥後唔需要特別戎口嘅，保持健康飲食就可以~
我食完事後丸就係咩副作用都無
所以唔知其實係咪有效
依家可以做既野只可以等M到？
好擔心 經常係度諗
因為每個人嘅體質唔同，所以的確係有人食完事後丸之後係一啲副作用都冇嘅，不過咁樣唔代表佢冇發揮到作用。如果真係好擔心，可以喺性行為之後嘅7-11日用驗孕棒進行驗孕。而喺性行為之後嘅11日之後驗孕，個結果就最準確啦！
30/5食完事後丸
到今日開始好似黎m?
其實都唔肯定係咪m
因為都早左好多黎
係咪食完事後丸既關係導致早咗黎m?
原本黎m應該係 20/6左右
早左咁多係咪正常？
提早/延遲嚟月經都係其中一個常見嘅事後丸副作用，所以你可以觀察多幾日，如果出血嘅情況好似平時月經咁樣，就代表今次已經提早咗嚟。
一般會同平時係M既日子相同？
同埋如果今個月提早左 咁原定20/6會再黎多一次M嗎？
有機會同平時嚟M嘅日數唔一樣，但只要出血情況多過三日，都可以視為月經。至於如果月經提早咗嚟，咁原定20 /6嘅月經就會提早咗，唔會嚟第二次。
我想請問 原定 家計會姑娘話20/6仲未黎M就要返去覆診 咁我提早左黎m係咪就唔洗去覆診？
我打極電話去都話線路繁忙 想問都問唔到
我諗姑娘係想確保你有嚟月經，如果你而家已經早嚟咗咁相信就唔使返去複診。