我同男朋友拍左就嚟兩年，呢兩年都經歷得好辛苦，大家都好夾，一齊嘅時候就會好開心，但佢俾我知道左背住我揼邪骨，上網識女仔，喊曬口話會改過，但呢兩年佢好多時令我覺得佢唔係一個誠實嘅人⋯今次我唔知信唔信好，講真邊個未貪玩過⋯
細個嘅我都有唔成熟嘅時候⋯但嗰次之後都覺得咁唔ok…決定改過⋯但我唔知我男朋友係真係㝽我定點⋯我覺得好攰，每次諗到咁就唔想落去，但我怕自己會後悔⋯點先可以有翻安全感⋯同埋再信翻佢⋯？成日諗佢啲衰嘢搞到個人都覺得好攰⋯有一兩次同佢嘈，係因為佢覺得自己有做好翻，但我又唔信佢⋯但我可以點相信佢⋯？我唔知
Hello你好啊
明白當知道咗對方同自己一直以嚟所認識嘅有出入後，係會好難接受嘅
見到你都好努力體諒對方、接受對方嘅過往，但係反而令到自己更受傷，好似點努力都唔見有轉變咁，而更加被另一半責怪
喺一段關係中，信任固然係好重要嘅，但係對方曾經嘅行為破壞咗你對佢嘅信任，令你唔知佢講嘅嘢係真定假，對依段關係都再無安全感
依個情況唔係你嘅錯啊，唔需要責怪自己，你已經盡力接受，體諒每個人都有唔成熟嘅時候。
亦都見到你好掙扎
理性上，理解到每個人都會有唔成熟嘅時候，但感性上，無辦法再重新相信對方。
共識好重要，喺感情關係入面都一樣，而對方暪住你做依啲行動，無共識亦會傷害你地關係，令到你無安全感。
係到都想了解下當時係點發現嘅，例如係無意中見到？定係有啲原因令你懷疑？而發現當下，對方有咩反應？依啲問題都會影響到同造成你依加嘅感受。見到你提到對方有認錯，你都可以諗下除咗認錯外，佢有無其他實際行動，令你感受到佢有努力改緊？
當一段關係進行依個狀態，都可以揾一個你覺得舒服、安靜嘅空間，問下自已想唔想繼續依段關係，聆聽自己內心嘅聲音，如果想繼續落去，都可以同對方真誠咁溝通，令佢知道你對依件事嘅諗法、感受，大家一齊傾下，總好過自己諗可以點做