54日前無套性行為後出現血絲係懷孕出血定排卵期？
上星期驗孕negative，但怕有假陰性
Hello
根據你嘅描述，你嘅情況都大機會係屬於排卵期出血。首先解釋一下咩係着床出血/懷孕出血，係指當受精卵着床喺子宮壁嘅時候有機會造成嘅少量出血，通常只會有幾滴或者最多一塊護墊可以承載到嘅血量，而且係一次性，唔會持續地出血幾日，血嘅顏色亦會同月經嘅唔一樣。一般由受精到着床大概係性行為後6至9日就會發生。而着床性出血並唔係一個常見嘅現象，即使真係因為懷孕都係只有少部分女性會出現嘅情況。
所以如果你出血嘅日子距離你發生性行為已經超過9日，又有持續地出血，顏色亦同平日月經差不多，咁基本上都可以排除係着床性出血嘅可能性。而且你亦都係性行為之後進行驗孕，結果係陰性嘅話，意外懷孕嘅機會就更加低～