月經前乳房腫硬

Hello,頭先沖涼個陣摸到自己嘅胸部發現兩邊都有硬硬地嘅感覺,不過唔明顯,要用少少力摸落去先feel到。差唔多食咗兩個月避孕藥,唔知關唔關事,不過上網見就快嚟m前都會腫硬,之前都試過嚟m前胸部會腫硬,比較擔心係其他問題,想知道嚟m前胸係咪會摸落硬少少同埋會脹痛?

補充返家族冇乳癌病史,我BMI有超標準少少。

頭先摸返又好似冇咁硬,只係feel到好似有d組織係右邊胸嘅右上方,係咪正常現象?

有冇人可以答下我:cry:

你好,知道你喺觸摸乳房嘅時候發現有一啲硬硬地嘅感覺,而你話係要用力少少摸落去嘅時候先會感覺到,呢個情況未必係有乳房硬塊有關。因為如果有乳房硬塊,其實基本上你觸碰乳房嘅時候輕輕摸下已經會感覺到乳房入面有硬塊,或者其他硬化組織,而且你話唔同時間摸落去會無咁硬,所以你可以先觀察一下。因為你講得冇錯,係月經來臨之前其實都有會有出現乳房腫脹嘅情況,所以唔暫時唔需要太擔心。
估計你可能係谷緊月經,你可以之後喺月經嚟嘅期間,再感覺一下有無硬塊嘅感覺,如果消失咗呢個感覺,就表示好大機會係谷月經之前嘅乳房腫脹引起。同埋你話再摸嘅時候又感覺到一啲組織,呢啲係正常嘅情況。因為乳房入面係由乳腺組織咗組成,有時候摸落去都會感覺到一啲唔同嘅組織,未必係硬塊黎。但如果你持續觸摸乳房嘅時候,都感覺到有硬塊或硬嘅感覺,建議你去搵醫生檢查一下,咁樣係會比較 可以確定有冇組織病變嘅情況發生,但現階段係唔使太擔心。

1個讚

而家係feel到兩邊胸部都係脹緊,而且對稱地脹,如果係出現問題係咪唔會兩邊一齊?唔該晒:pray:t2:

如果真係出現問題嘅話,相信每位女性出現嘅病徵或者情況都唔一樣,所以而家都唔能夠單憑你所指嘅兩邊對稱咁樣痛,就代表出現問題。另外都見你有講到食咗兩個月避孕藥,乳房漲痛亦都係其中一個食避孕藥期間會出現嘅初期症狀,如果食左避孕藥超過三個月都出現呢一種情況嘅話就需要諮詢醫生嘅意見。不過好似上面同事所講,你可以先留意月經後係咪都有乳房脹痛嘅情況,如果你都係感覺不適嘅話,都建議去諮詢醫生嘅意見~

1個讚

Hello,今日我因為生眼挑針就去咗睇醫生,醫生開咗抗生素比我(阿莫西林),有同醫生講食緊避孕藥,問佢會唔會影響避孕藥藥效,佢話唔會,亦唔需要錯開時間食,但係避孕藥說明書又話抗生素會影響,咁即係邊個啱?
同埋我而家咁啱係7日停藥期嘅第二日,開始食抗生素,要食夠7日,咁我下次開新藥係咪最好食夠7日先有避孕效果?定係好似醫生所講唔會有影響?
唔該:pray:t2:

Hello?

Hello~其實任何藥物都可能影響避孕藥裏面嘅荷爾蒙效力。所以,如果服用避孕藥嘅同時服用緊其他藥物,就最好配合埋另一種避孕方式。因為服用完抗生素之後,就算隔咗幾個鐘再食避孕藥,都唔能夠保證抗生素嘅藥性唔會影響避孕藥,畢竟藥物喺體內會有半衰期嘅情況,甚至可能影響新陳代謝。除咗感冒藥同抗生素會影響避孕藥效果,一啲精神疾病用藥,例如癲癇、抗憂鬱藥物等,佢嘅影響更大。如果有服用開上述藥物,咁喺服用避孕藥之前,一定要事先查詢婦科醫生,並針對個人情況做調整。

至於你問開新藥需唔需要等七日先至有藥效,一般嘅情況下係唔需要嘅,只需要喺食緊藥嘅時候配合外用嘅安全措施就可以啦:relieved:

1個讚

唔該我仲想問下,我食避孕藥嘅第一個月嚟m係停藥期第4日中午,咁第二個月係咪都會同一時間定係每個月都因情況而唔同,因為我今個月有食抗生素,藥物係咪會影響月經周期?
我而家停藥期第4日仲未嚟m,但係一直有肚痛同腰痛嘅感覺,不過冇咗胸痛。我每次性行為都有帶套,懷孕機率係咪算低?

仲有我前兩日嘅分泌物變多咗,會有d固體狀嘅分泌物,或者有d白色黏液狀嘅分泌物,都冇異味,到今日就冇咗分泌物。有分泌物係咪代表就快嚟m?
同埋我琴日係底褲度見到有少少血跡,好少好少,因為琴日有發生性行為,我唔知係性行為出血定係其他問題。個血跡少到連一滴都冇,係咪正常?
冇血嘅m痛真係有d令人擔心:cry:

首先,食避孕藥嘅頭三個月屬於適應期,所以月經係會比較唔規律嘅。唔一定會好似第一個月咁樣喺第四日嘅時候嚟。另外,同時服用兩隻藥物係有機會擾亂經期嘅,所以真係講唔實幾時會嚟月經。至於你問懷孕機率方面,因為你有食避孕藥亦都有用安全套,雙重保險下懷孕機率係非常之低嘅,所以唔使太擔心。

1個讚

如果係咁樣嘅話,有機會係就嚟m。現階段可以再觀察吓先,唔需要太擔心~

1個讚

唔該晒吖:pray:t2:

1個讚

頭先係底褲見到好少量血跡,淡淡地嘅紅色,之後就一直冇血,會唔會係著床出血?而家keep住有少少m痛,但係冇血,個血跡大約四五滴嘅量。

其實會唔會有機會係點狀出血?沖涼前底褲有少少血,跟住屙尿抹嘅時候都有血係紙巾上面,之後沖涼有用手摸過下面,隻手指上面都有血,沖完之後就一直冇血。而家腰痛同下腹輕微痛。

因為你每日都有準時食避孕藥,所以唔大可能係着床性出血。比較大機會係準備嚟m,或者好似你咁講係避孕藥嘅副作用。暫時嚟講可以觀察吓先嘅,如果之後嗰幾日持續出血,並且出血量變大嘅話,咁就可以確定係嚟M啦!

1個讚