每次排卵期都會一係有血一係有好多分泌物 加埋下腹兩側刺痛 同m痛一樣痛只係變咗兩側痛
但係今次排卵第四日即係都仲有分泌物 而且今日先開始痛同有想嘔感覺 會唔會有咩問題？通常會分泌物多幾耐？
多分泌物咗5日 但係驗孕陰性 係唔係內分泌失調
有冇人解答一下我
Hello~聽完你分享，想像到身體真係會好唔舒服
如果你每次排卵都係咁唔舒服，真係好建議你向醫生查詢，因爲好難就幾個描述去判定到係咩狀況，同埋嚴重嘅有可能牽涉肌瘤等問題，所以好建議你去社會衞生科、家計會，或者診所去尋求專業幫助啦
咁連續六日都有多分泌物係唔係正常
一般來講，排卵期就算多分泌物，都應該只係持續出現1-3日左右。你提到可能會有腹痛或者想嘔嘅感覺，都可能係排卵期嘅一啲徵兆。但係如果去到六日都仲有好多分泌物嘅話，都唔係正常狀態：或者腹痛嘅感覺好嚴重嘅話，都唔係一個健康或者理想嘅狀況。所以都建議睇下醫生，了解清楚自己身體情況。
你都可以去家計會嗰邊，預約做個全面嘅婦科檢查，睇吓身體會唔會有咩問題。
link係呢到: 婦女健康服務
如果檢查完之後，發現身體其實係冇問題嘅話，而你又好想改善到而家呢個情況嘅話，都可以考慮食事前避孕藥，因為食咗事前避孕藥可以抑制排卵，都可以減輕到呢啲症狀嘅。