想問下理應上三日後M come, 但今日見到有咖啡色+少血絲白帶，係咪有咗？
Hello~你問你嘅狀況係咪有咗，可唔可以講多少少
最近有無發生過不安全性行為呢？同埋係幾耐之前？
如果近期 有發生過 不安全性行為
如果近期有發生不安全性行為後，真係意外懷孕，而下體有少量出血，呢種情況叫做「着床性出血」因為由精子同卵子結合，到受精卵完全着床需要6-9日時間，所以通常下體喺第10日會有一次性少量出血，血量係一張護墊吸收得晒，顏色亦會係粉啡色。
如果近期 無發生過 不安全性行為
如果近期無發生過不安全性行為，咁唔需要太擔心
啡色分泌物有可能係月經前嘅「流啡」，不過「帶血白帶」嗰度，想問會唔會有強烈臭味，或芝士狀嘅白色分泌物？
因為「帶血白色分泌物」一係陰度受損出血+正常生理分泌物(白帶)，一係可能下體有發炎跡象，所以你可以留意多幾日，如果分泌物有異狀，身體亦有唔舒服，咁就建議你向醫生查詢啦
希望可以解答到你嘅疑問～～
近期 的確有性行為但係全程有保險套,做完之後有裝水check冇漏, 同埋大概性行為後第十二天check咗驗孕棒係無事。
有一條仔嘅血絲only
同埋而家胸有少少硬，係咪唔使擔心
好欣賞你地有用到安全套而且有裝水check有冇漏啊。如果係咁嘅情況，再加上已經係性行為後第十二日用咗驗孕棒驗孕係陰性嘅話，咁都可以肯定係冇懷孕風險架啦，所以都唔洗太擔心係懷孕。
咁你嘅情況就比較可能係上面同事所講月經前流啡嘅情況，你提到胸有少少硬都可能係嚟m前嘅徵兆。而有血白帶就可能係同事上面所講
呢段時間都可以留意下陰部清潔（但唔好灌洗陰道），亦可以穿着鬆身下半身衣物，避免焗住，亦都唔好發生同陰部相關嘅性行為住啦。
好的唔該曬你 多謝有咁詳盡嘅解釋
1個讚
但係佢無啦啦講話（條底褲有少少啡啡地紅紅地
但係佢無啦啦講話（條底褲有少少啡啡地紅紅地）
但係性行為後12日 已經check咗negative … 今個星期1 而家好擔心…
非常急希望可以畀到啲意見我
I mean 今個星期一係 性行為後嘅第12日
好擔心係著床性出血 希望有同事可以盡快答覆
你已經喺性行為之後第12日自行驗孕，而驗孕結果係陰性，所以你可以排除懷孕嘅可能性，亦唔需要太擔心 。
至於你話有出血嘅情況，其實都唔會係著床性出血，因為無懷孕嘅可能性，所以係唔會係著床性出血。而且著床性出血亦唔會有太大量嘅流量，只會有少量嘅血。但由於你今次月經同你預計嘅時間有出入，唔準唔準時，所以你今次嘅出血有可能係月經前嘅出血，亦代表你月經就快嚟臨，所以你可以觀察多幾日，如果係有月經來臨，就唔需要擔心懷孕。