驗孕問題,應該唔係有咗?

5月6日時同男朋友做左,嗰時係m前一日,我地有幾雨冇帶套咁入左…

我發現period 遲左兩日,即刻去驗,係一條線,但period 好少遲咁多
其實呢日驗嘅結果準唔準,會唔會係check 唔出呢

唔該晒

Hello~首先可以講解下驗孕棒嘅原理,會方便啲解答你嘅問題。驗孕棒其實係透過尿液測緊hCG嘅水平。hCG是卵子受精著床之後身體會產生的一種荷爾蒙。如果真係懷孕,當受精卵著床,身體就會分泌呢種荷爾蒙,hCG。至於驗孕日子上,你可以喺性行為嘅7日之後驗一次,咁就會有初步結果;喺性行為嘅11日或之後再次驗孕,就可以得到更準確嘅結果。因為hCG嘅分泌會隨著懷孕嘅日子增加。所以你於愈後嘅日子驗孕,就會因為體內嘅hCG會愈多,而愈容易得到準確嘅驗孕結果 。因為而家距離5月6號已經過咗11日,所以你嘅驗孕結果係非常準確嘅,可以肯定冇懷孕。

至於月經延遲嘅原因有好多,體重過輕,壓力大,生活唔規律…都會導致月經遲嚟。除非月經比起平時遲咗三個星期以上都未嚟,先至需要睇醫生,等醫生考慮會唔會處方荷爾蒙藥物畀你去催經。現階段可以再等下先🫶🏻