呢次係我第一次食避孕丸啦
我係來經day 5開始食的
咁我星期日就食完最後一粒欣嘗
星期一同星期二都冇食到
今日星期三都仲未來經
不過呢幾日咁啱去左個長途旅行
有jet lag 都相差7-8個鐘
未黎m會唔會係呢樣有影響？
如果下星期真係仲未黎m
應唔應該開新一排食好？
Hello 因為你係第一次食，亦都係第一個月食避孕藥，身體可能都需要一定時間去適應人造荷爾蒙嘅藥效，都可能會有唔同副作用，例如陰道不規則出血，有啲人都會係服食初期經期會有不規則情況，所以如果真係係停藥期未嚟m都係正常情況，可能要到食另一排藥先出血。所以你只要按返你原本嘅周期同時間咁繼續食就可以啦。
不過都提醒返，呢個經期不規律嘅情況多數係暫時性嘅現象，最多大約3個月左右就會冇，如果之後都仲係冇嚟m，就唔係咁理想，就可能要睇下醫生換藥啦。
至於jet lag個情況，都想問一問，你有冇跟返原本時區嘅時間食藥呢？即係如果你係香港嘅7點開始食藥，就算去到另一個唔同時區嘅地方，都係應該計返時差，然後係香港嘅7點時間去食藥。只要有咁樣計返啱時間，跟返原本個規律，基本上都冇影響嘅。
原來係咁，咁我照返原訂時間食新一排先！
我有跟返香港時間食呀，專登望住個時間較定鬧鐘
Thanks a lot! 我黎緊再觀察下先！