男朋友幾個禮拜前做咗割包皮手術，最近佢差唔多好返，所以我哋兩個都無著底褲，包住薄個啲浴袍咁互相磨擦。佢龜頭可能有一兩次唔小心掂到我陰唇/陰蒂，唔sure有冇掂到陰道口正面（我無feel到痛，所以唔sure）。我哋冇插入，佢亦冇射精，玩完之後我有立刻沖涼清潔，但我好驚佢會有pre-cum之後令我有咗…
上次m係20/5 唔太識計排卵期 請問會唔會有機會…?
thanks for helping…
upup
你好，因為你哋冇進行插入式性行為，而男朋友亦喺過程當中冇射精，所以唔會有大量嘅精子。不過可能喺過程中，男朋友可能會有尿道球腺液嘅排出，當中亦含有少量嘅精子，但由於冇插入，精子喺皮膚表面嘅時候亦難以長時間生存。因爲精子接觸到空氣後通常幾分鐘內就會死亡，而且精子需要有精液嘅保護先可以生存既，所以懷孕機會好低。
不過如你真係有憂慮既話可以考慮自行驗孕，自行驗孕其實可以喺性行為後11日進行，因為驗孕棒係透過檢測尿液中嘅hCG (人絨毛膜促性腺激素)含量，呢個激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。
至於計算排卵期，排卵期理論上會係月經週期嘅一半嘅前5日至後4日，不過首先要月經週期比較穩定，先至比較可作參考。
除咗計日數之外，我哋都可以藉由觀察身體嘅變化狀況，嚟判斷自己係咪進入排卵期。例如陰道分泌物增加，或是基礎體溫(Basal body temperature，BBT) 偏高等等，都是排卵期嘅徵兆。
如果想知道幾時進入咗排卵期，你可以每朝早一瞓醒就量一次體溫，然後記錄落嚟。喺排卵之前，體溫會稍微下降，而排卵後嘅24小時，體溫就會升高，並持續幾日。通常喺排卵前，女性嘅基礎平均體溫會係36.1°C~36.4°C之間，排卵後，會上升到36.4°C~37°C～
不過排卵期同經期一樣，可能會因為作息、壓力、病痛等有變化，所以都唔能夠好準確計算的。