我3月開始打針（一個月一次）
每月13號左右打然後上一次尼月經第一日係9號第一日
係6月6號男朋友冇戴套射咗入去
正常我9號前會尼月經
咁樣會唔會有咗
你好～
由於你唔係最近一個月內先開始打針，只要你每個月有準時打針，避孕嘅藥效會一直維持，係唔會有懷孕嘅風險架：）
佢射咗兩次入去都會冇事？
係啊，因為避孕針係透過人造荷爾蒙去抑制排卵，所以即使發生唔安全嘅性行為，即係內射都唔會有意外懷孕嘅機會。
但係有白帶出現仲未尼月經正唔正常架？
男朋友好擔心會中
我自己又缺少尼方面知識
有白帶都係其中一個月經前嘅症狀啊，所以唔使太擔心～如果真係想確實知道自己有冇懷孕，就可以驗孕。因為驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。