Hello
我食開YAZ 都一段時間 但我有時會唔記得食 都會係24小時再食返 之後就會出現啡色分泌物 例如，我去要尿之後用廁紙抹就會有 好似黎m後幾日嘅啡色咁 。之前試過係咁 。多數都係就黎m前個星期 e.g. 我本身17號黎m 但8號就出現啡色 。其實係米因為我遲左食藥導致？ 如果出事嘅啲情況 重可唔可以帶套做愛？
補充 我出現左啡色嘢之後黎m月經量都會減少 不過都會準時完
你好～ 多謝你嘅提問：）
冇錯呢啲啡色嘅分泌係由於漏食藥而造成架～
因為漏食咗藥之後，體內嘅荷爾蒙水平會有變化，令到產生咗呢個俗稱「流啡」嘅現象，都係正常嘅情況，只要佢冇持續好多日或者血量明顯增加，都唔需要擔心～ 呢個情況下係可以佩戴安全套發生性行為的～
提示返，如果喺24小時內漏食，就要儘快補食，而翌日果粒都要跟返平日食藥嘅時間準時食，咁就唔會影響到藥效；但係如果漏食咗超過24小時，係會影響到藥效嘅，除咗要盡快補食返漏食嘅藥，補食起計嘅7日都要用額外嘅避孕措施架～