平時係隔33日左右嚟M，上次嚟M已經係3月11日，跟住喺3月25日男友隔住內褲頂咗幾下(內褲有濕)，到宜家都未嚟M，近兩個月都壓力偏大，半個月前有食一D類似調經嘅藥。入面有次feel到有血但唔多，而且鮮紅。之後5月30日有去睇過中醫(冇話有咗 話身體好差)，嗰日到宜家都有脹痛同胸硬，但依兩日個情況輕咗，但量過又冇變大。兩三日前入面又有少少血
你好，就你嘅情況應該同懷孕無關，因為你喺3月25號嘅時候進行咗非插入式嘅性行為，懷孕嘅風險亦都比較低，而且 你喺5月30號有睇過中醫，如果你真係有懷孕跡象，相信中醫都會察覺到，所以可以暫時排除咗懷孕而影響月經呢個因素。
至於你話近呢兩個月壓力比較大，其實月經好多時都受好多唔同嘅因素影響，例如：壓力、生活作息改變、又或者受荷爾蒙影響。相信你喺食上一次食調經藥後有血，應該係其中一次月經來臨。至於你話近日開始感到腹痛同胸脹，呢個情況都會係嚟月經前常見嘅情況，加上呢幾日有少少出血，亦都係代表月經準備來臨。
建議你可以先觀察下呢幾日有冇真正月經來潮，如果幾日後仍然未有月經來潮，你可以去睇醫生，睇下會唔會除咗因為壓力嘅因素影響月經，仲會唔會有其他嘅生理因素，例如：婦女疾病等等而影響。不過暫時唔需要太擔心，因為週期唔穩定都好普遍，睇過醫生之後亦可以睇下醫生有無其他建議去調經。
今日下午嚟m,之前嚟m都冇咩症狀 但依次感覺個肚好酸軟，身體唔知有冇咩問題
係咪嚟咗m(有流血)就冇懷孕可能性?
宜家仲變痛咗。。
好似上面同事所講，月經受到好多因素影響，而你食嘅調經藥或者中藥都好大機會令你出現而加嘅情況，因為兩者都係一個需要長期服食藥物嘅治療，身體都需要時間去適應呢啲藥物，係呢啲時間可能會出現以前身體冇出現過嘅情況。如果腹痛嘅情況持續，就建議可以問番有關醫生或者中醫嘅意見。另外有嚟月經就代表冇懷孕～
唔該你地嘅解答