會唔會懷孕

想問下以下兩種情況會唔會懷孕?(兩個都係雙方嘅性器官無接觸過)

1)男方有用口幫女方 女方只係隔住男方嘅面褲和內褲觸碰男方嘅性器官 男方嘅面褲係無濕到所以女方應該無掂到任何分泌物?(定係就算手指乾都有機會有精子咁樣經面褲同內褲穿到去女方嘅手指)但係之後有一下女方有用手觸碰到陰部(淨係純粹掂到一下唔係用手指撫摸或者插入)但係唔係放進陰道 只係掂到一下會唔會懷孕

2)男方唔小心掂到自己內褲一些分泌物(條內褲摸落去無明顯液體/黏液 望落去條內褲只係好似濕咗少少一噠咁所以唔肯定嗰一小噠係分泌物定精液)男方摸到之後手指望落去都係無任何明顯液體同黏液同埋已經係射精後嘅5-8分鐘,跟住唔小心隔住女方內褲+護墊掂到女方陰部一下

以上兩個情況會唔會懷孕?同埋咁嘅情況係咪無必要食事後藥?求解答 第一次所以就比較驚咁樣都會有事 同埋性知識比較貧乏 可能啲問題比較蠢

Hello~多謝你嘅提問:heart:首先,精子暴露喺空氣中通常幾分鐘內就會死亡,而且精子需要有精液嘅保護先可以生存,所以當接觸到皮膚、衣物纖維、紙巾等表面嘅時候,精液會被吸收同揮發,進一步減低精子嘅存活率,所以你以上呢兩個情況都係唔需要擔心懷孕嘅,亦都唔需要食事後丸~

如果唔小心掂到嘅時候手指乾無液體係咪代表無精子?
同埋係咪即係我呢兩個情況都唔會懷孕?懷孕機會率會有幾多?
同埋如果假設手指真係有少少分泌物 好似第一或者第二個情況咁(1. 掂到個陰部而唔係陰道一下 / 2. 隔住內褲+護墊掂到一下)係咪都唔會懷孕?

麻煩晒

如果精液已經被皮膚吸收晒嘅話,咁精子好大機會全部死晒,所以唔需要太擔心懷孕。至於懷孕機率方面,因為好取決於你哋兩位嘅體質,所以係唔會有一個確實數字嘅。可以試吓想像下,陰道口去到子宮頸係10K馬拉松嘅距離,要跑完本身就唔容易,一半以上嘅精子跑到中間就會死咗,所以如果冇接觸到陰道嘅話,懷孕嘅可能性係非常非常低嘅,可以忽略不計。當然如果真係好擔心嘅話,用返安全措施就最好啦!因為無論係咩形式嘅性行為,只要性器官有直接接觸就會有懷孕嘅可能性,所以如果未做好心理準備嘅話,會建議你暫停進行性行為,諗清楚同埋同伴侶有共識之後再做決定🫶🏻

咁以我今次嘅情況係咪唔會懷孕?我哋無任何性器官嘅接觸:pray:t2:

同埋見到妳咁講 咁係咪意思即係每經過一樣嘢就會再進一步殺死精子?

以你地今次情況,因為你地性器官冇直接接觸,就好似上面同事講咁,懷孕風險係極低,所以唔洗太擔心。

唔該晒你地答我!我想問下如果女方隔住男方嘅面褲同內褲掂男方嘅性器官,其實會唔會女方咁樣隔住兩層掂 隻手都會有分泌物或者有精子?

好似上面同事所講,其實精子需要有精液保護先能夠生存,當精液掂到其他物件嘅時候,例如底褲,其實精液都會被呢啲物質吸收,所以你所提及嘅情況導致意外懷孕嘅機會非常低。

但係好奇如果女方隔住男生嘅面褲和內褲觸摸男方嘅性器官 會唔會隻手會有精子或者男方嘅分泌物?

Hello~首先,精子暴露喺空氣中通常幾分鐘內就會死亡,而且精子需要有精液嘅保護先可以生存,所以當接觸到皮膚、衣物丶紙巾等表面嘅時候,精液會被吸收同揮發,進一步減低精子嘅存活率。所以如果唔係直接接觸,隻手有精子或者男方嘅分泌物嘅機率係好細嘅。

即係就算隔住面褲+內褲掂男方就算真係掂到少少分泌物以我嗰兩個情況都唔需要擔心懷孕?

同埋我想問下如果男方掂到一下女方嘅時候當時女方有著內褲+護墊,著左護墊會唔會無咁容易懷孕因為加多左一層先去到陰部?

想問下義工們有無遇過上面我寫嗰兩個情況嘅類似情況但係有懷孕架?有少少擔心:pray:t2:

冇錯啊,因為就好似上面同事所講

所以呢兩個情況都唔需要擔心懷孕,所以都唔需要諗有冇著護墊可唔可以影響到懷孕風險。
其實精子並唔係你想像中咁勁,可以穿牆過壁咁樣樣,所以都唔使太過擔心。

想問下有無遇過上面我寫嗰兩個情況嘅類似情況但係有懷孕架?

多謝你地抽時間去答我:pray:t2::pray:t2:

雙方性器官無接觸而導致懷孕嘅case我哋基本上冇見過(除咗人工授精)。不過我哋都會建議無論發生任何形式嘅性行為,如果未有承擔風險心理準備,最好全程並正確使用安全措施,或者暫停進行性行為,直至同另一半有共識為止。因為如果你咁驚懷孕,對你哋嘅性體驗同感受係一定有影響嘅,亦都側面反映你未準備好,所以都會想你諗清楚,同埋同另一半一齊傾下,雙方都同意同埋做好有機會懷孕嘅心理準備,先進行性行為。

咁係咪唔需要驗孕 因為仲有幾日就m到 係咪等佢m黎就可以?:pray:t2:

係呀冇錯~

多謝你地嘅解答啊:pray:t2: 因為性知識比較貧乏 所以有幾個問題係比較想知

  1. 如果驗孕 有無話幾時驗孕先會準同埋市面上有驗孕棒 電子驗孕棒 驗孕紙條嗰啲有無話邊款先係好 同埋邊個牌子最準

  2. 爬文見到話11日後驗係準 但係我見市面上好多都係話遲經當天或之後先驗 咁即係過左11日但係未到遲經嗰日都唔驗得?

  3. 係咪有月經就代表無懷孕?點樣分佢係著床出血定係月經

  4. 如果月經黎就代表無懷孕,咁假設如果今日有性行為聽日就黎m 咁係咪代表今日呢次嘅性行為係無事定係要再有下一次月經先係代表無懷孕?

仲有就係安全期係點計?係咪坊間所講嘅前7後7

同埋想問下如果手指係無精液液體但係痴笠笠其實仲有無精子 精子咁樣係死哂未?

知道呢度有好多問題:pray:t2: 但係想了解呢方面多啲 麻煩哂:pray:t2: