會唔會懷孕

計算安全期其實並唔可以稱為一個可靠嘅避孕方法。坊間想講嘅安全期係以一個週期28日去計算,而一個週期係由嚟月經第一日直到下一次嚟月經前一日為止。係一個28日週期之中,安全期嘅計算係假設咗身體會係第14日排卵,所以週期嘅第1-7日以及21-28日,亦即係所謂嘅月經前7後7日會係所謂嘅安全期。但安全期唔可靠嘅原因係,唔係每個人嘅週期都係28日,以你為例,你既周期經常不一致,更難去準確計算。而且即使係28日週期嘅人都唔一定係第14日排卵 。再者要去到月經出現我哋先可以計算上一個週期係幾長,再大概估算上個周期嘅排卵日同「安全期」係幾時,唔能夠係未出現月經就單憑計算日子準確知道係幾時排卵。除非每日都係醫生指引下用排卵棒測試體內狀況,否則無辦法準確知道係邊一日排卵。所以總括而言,計算安全期並唔可靠。而且,有啲週期較短嘅人甚至會係月經期間或月經月結後就排卵,而精子進入體內最長可以生存3-5日,如果咁啱遇上身體排卵,就有機會懷孕。

因為唔清楚你所講既痴笠笠,係接觸左啲咩體液,如果係精液/尿道球腺液,係會有精子既存在,而精子既生存大概係幾分鐘至十幾分鐘嘅時間,如果接觸到唔同溫度或者其他物質會加快死亡。呢個情況會建議先清潔手再接觸陰道,因為精液/尿道球腺液當中都會含有精子,我哋都無法從肉眼去判斷當中嘅精子死左未,最好唔好冒險。

如果唔介意 可唔可以答埋呢個comment :pray:t2:

多謝你地嘅解答啊:pray:t2: 因為性知識比較貧乏 所以有幾個問題係比較想知

  1. 如果驗孕 有無話幾時驗孕先會準同埋市面上有驗孕棒 電子驗孕棒 驗孕紙條嗰啲有無話邊款先係好 同埋邊個牌子最準

  2. 爬文見到話11日後驗係準 但係我見市面上好多都係話遲經當天或之後先驗 咁即係過左11日但係未到遲經嗰日都唔驗得?

  3. 係咪有月經就代表無懷孕?點樣分佢係著床出血定係月經

  4. 如果月經黎就代表無懷孕,咁假設如果今日有性行為聽日就黎m 咁係咪代表今日呢次嘅性行為係無事定係要再有下一次月經先係代表無懷孕?

可唔可以答埋頭先上面有個無答到嘅comment 架 麻煩哂:pray:t2:

自行驗孕可以喺性行為後11日進行,因為驗孕棒係透過檢測尿液中嘅hCG (人絨毛膜促性腺激素)含量,呢個激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果,而係11日後或者預計經期嘅日子驗孕結果會更加準確。
至於驗孕棒、電子驗孕棒、驗孕紙既分別,係一般驗孕棒、驗孕紙以一條線或兩條線顯示結果,而電子驗孕棒顯示的結果只會是懷孕或沒有懷孕,結果會比較清晰,同埋敏感度同準確度比較高。

如同剛才所講,hCG (人絨毛膜促性腺激素)會係受精卵著床後開始大量分泌,而一般受精著床呢個過程需要6-9日,所以係性行為後如果卵子有受精,就會分泌呢個激素,不論係咪到經期都會分泌架。

首先有月經就係代表無懷孕,因為懷孕期間係唔會有月經的。而月經係因為女性會週期性排出卵子,子宮壁內膜亦會增厚充血準備受精卵著床及孕育胎兒。當卵子沒有受精,已增厚的子宮內膜便會在兩星期左右自行剝落,從子宮頸口經陰道排出體外,而呢啲就係所謂嘅月經。
而著床性出血係當受精卵著床系子宮壁嘅時候,有機會造成出血嘅狀況。原因可以係因為(一)受精卵與子宮壁碰撞時造成出血情況;(二)因為荷爾蒙問題造成出血情況。一般著床性出血嘅血量較少,顏色較淺,可能會少至只有一滴血,部分人可能血量會多少少。血量係護墊可以承載嘅血量,通常只會一日內一瞬間流完,並唔會似月經咁持續黎4-5日。

如果根據你所講係情況,係非常特別既情況,咁就要等下次月經周期才可確認無懷孕,因為係月經期間都有機會係排卵期,而精子進入體內最長可以生存3-5日,如果咁啱遇上身體排卵,就有機會懷孕。

咁要性行為幾耐之後出現月經先可以當嗰次性行為係無事?因為見到妳話如果月經係性行為之後一日嘅話就要等下一次?

同埋係咪代表排卵期係可以同月經重疊?

同埋係咪代表排卵期係可以同月經重疊?係咩情況下先會重疊 因為月經週期太短? 咁如果係正常28-32日 係咪唔會有月經同排卵重疊呢個情況發生

月經同排卵期重疊呢樣野係因人而異,亦都唔係每一次月經都會重疊,有好多因素影響,例如最主要因素係荷爾蒙水平,生活作息,飲食習慣等,所以唔能夠話你聽咩時候會重疊。至於性行為幾耐之後個一次月經可以作準,一般隔一個月/隔一個月經週期,不過其實最好嘅方法都係驗孕,會比起你等一個月更早知道有冇懷孕。

即係可以今日排完卵 聽日就黎m ?

可以有機會出現呢個情況~