常常想自慰

每日都想自慰,特別係夜晚,係咪有問題?:face_holding_back_tears:同埋完左覺得自己好奇怪同埋覺得有啲羞恥

Hello
其實自慰本身並唔係啲咩錯事,只係屬於個人選擇。而其實不論性別,男定女都好,都可以有自己嘅性需要。只要你唔覺得自慰係嚴重影響到你日常生活或者健康,或者冇影響到其他人嘅話,以你喜歡嘅方式尋求性歡愉係冇問題嘅。

好多時社會都好避忌去講性,都會覺得自慰或者性事等等都係一啲禁忌話題,都可能會令我哋覺得自慰係一啲好羞恥嘅事情。再加上自慰完結之後個下,大腦嘅分泌係會有所改變,會進入所謂嘅聖人模式,都可能會令我哋會有種時候嘅愧疚感等等。(科學研究顯示,男女都會有聖人模式嘅,只係男性嘅聖人模式維持時間普遍比女性長,先令人誤會只有男性有聖人模式)

最重要都係想講返,自慰本身並唔係啲咩有問題嘅事情,只要唔係影響到人嘅話,其實都只係個人選擇,冇話有咩問題嘅。