食開事前避孕藥但有又食抗生素

keep住有性行為,有中出會唔會懷孕= =又好似谷m咁, 乳房漲痛 求解

求解!! 非常擔心!

你好,知道你有服食避孕藥,但由於唔清楚你服食避孕藥既時間長短,唔肯定係咪一定會影響藥效,因為某啲種類嘅抗生素係會影響避孕藥嘅吸收,因此影響藥效,所以會建議係療程期間甚至療程完後7日,發生性行為嘅時候使用額外嘅安全措施-安全套。而如果已經服用咗一段長時間避孕藥,身體已經建立咗穩定嘅避孕功效,發生性行為時有如常食藥,避孕功效係有持續到嘅,就唔會造成懷孕。
就你嘅情況黎睇,你有乳房脹似乎係月經前嘅徵兆,同埋唔知道你對上一次係幾時發生性行為,而你真係有憂慮既話可以考慮自行驗孕。如果自行驗孕其實可以喺性行為後11日進行,因為驗孕棒係透過檢測尿液中嘅hCG (人絨毛膜促性腺激素)含量,呢個激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果,而係11日後或者預計經期嘅日子驗孕結果會更加準確。
希望幫到你!