琴晚瞓唔著，又開始亂諗嘢
我個人本身比較隨和
即使同男朋友喺性生活上面未能完全同步，我都冇乜所謂
其實我都唔知應該用乜嘢term形容佢，因為佢只係覺得sex可有可無，而又未至於抗拒，所以應該唔係性冷感
有時我想要，其實佢係好想滿足我，但可能真係會力不從心（I mean 比較頻密嘅情況下，而力不從心嘅意思係唔夠硬），如果佢有足夠休息就完全冇問題，咁會唔會係性慾低？所以驅動唔到佢做得比較頻密？另外，比起sex，佢更加享受skinship，例如cuddling
同埋唔係性行為淨係用性器官㗎嘛，仲可以手口並用，加上而家呢個年代，各式各樣嘅sex toys隨時更加舒服
男朋友需要唞下？冇問題
男朋友冇mood？都冇問題
咪下次再做囉，再唔係咪我自己同自己玩囉
呢啲都唔係會導致我產生分手念頭嘅因素
咁但係未必個個都係咁㗎嘛，我唔係讚緊自己好體諒另一半，我當然仲有好多地方要改善
我指嘅係有時天性本能嘅嘢好難去壓抑佢，一次唔得，兩次唔得，長期咁樣嘅話會唔會令人想揾另一個喺sex方面能夠同自己配合嘅人？
咁如果一個人係性慾偏低嘅，但識咗一個性慾正常水平嘅伴侶，性生活長期唔協調下，會唔會增加分手嘅機會呢？
但冇可能一識人就同人討論呢方面嘅嘢㗎嘛，即使係為未來著想
當然，拍拖並唔係當另一半係洩慾工具，但係兩個人都享受係好重要㗎嘛，如果其中一個唔享受，咁樣嘅關係又會唔會長久呢？
以女仔為例，如果佢唔enjoy嘅，咁可能就會唔夠濕，冇錯係可以另外加lube，但咁樣真係好咩？
再譬如男仔，就算未去到話完全冇反應，但你太chur嘅 喂 佢都唔夠硬啦，唔自己都唔舒服啦，甚至真係太frequent令佢可能連勃起都覺得痛嘅，唔同叫佢食藥咩
我自己淨係拍過一次拖，所以喺呢方面完全冇經驗，而我又唔想男朋友因為呢樣嘢而逼自己改變，問frd佢哋又話梗係唔忍啦，一定要揾過個，咁我又真係冇乜所謂嘅，唔係揾過個冇所謂 
而係男朋友唔能夠成日做我都冇所謂
所以先至導致我諗到呢個問題，如果一個人性慾低，但基於一開始嘅時候唔方便講呢方面嘅嘢，咁即係一定要係喺相處一段時間之後 另一半先至會知道呢樣嘢，咁性生活配合唔同嘅情況下，其實係咪會無形中增加咗分手嘅風險？
我瞓唔著嘅時候就係會亂諗嘢
好多謝你會同我哋分享有關性嘅睇法啊，係文字當中都見到你其實好重視呢段關係，同時亦都對性呢一方面有一啲疑問，以下係屬於我個人嘅睇法，本人覺得係呢個問題上面冇對與錯，可以一齊傾吓
