陰莖痕癢出現問題?

你好,本人今年31歲,自慰年資都有20年,不定時都有自慰,試過最密1日3次,不過經常都係1星期2次……一直都沒有女友及性伴侶……
不過去年開始陰莖繫帶下方開始痕癢,痕癢的地方有一條不知明的血管/筋在包皮上,十分幼細而且長,長至差不多接近陰囊對上及繫帶,而且在繫帶下方1吋位分叉,另一條兜上陰莖左側……不知道為甚麼有時痕癢,有時無事,想知原因?

另外,不知道是否長期自慰,近期只要陰莖勃起2分鐘左右,或者腦中想起性畫面2分鐘左右,就會流出尿道球腺液,且整個龜頭都很濕……請問有沒有問題?

Hello 首先想問下你有冇包皮過長或者過緊嘅問題呢?或者你嘅陰莖有冇任何奇怪嘅分泌物?或者會唔會有痛嘅感覺?

其中一個可能嘅原因係平時冇清潔乾淨,或者可能最近天氣熱,焗住左下體,令到包皮入面附近位置細菌滋生,所以會有痕癢嘅感覺。都可能係你嘅陰莖可能接觸過唔係咁乾淨嘅地方,例如唔乾淨嘅床單被鋪等等,令到佢發炎。你都可以多加留意陰莖嘅清潔,但都唔好過度清洗陰莖,例如唔需要用到刺激性沖涼液去清潔。

不過都未必清楚係咪真係以上講嘅呢啲原因,而且就咁樣睇網上句子描述都好難清楚了解得到你嘅狀況實際仔細係點,所以如果有任何憂慮嘅話,最好嘅方法都係睇醫生了解清楚。

至於你第二個問題,其實只要陰莖處於勃起或者性興奮狀態,會分泌尿道球腺液亦都係好正常嘅事,係正常嘅生理現象,並唔係有咩問題,呢方面就可以放心。

我無過緊嘅問題,係軟嘅時候可能得1-2厘米,不過勃起嘅時候可以去到13厘米
無奇怪嘅分泌物,係每日小便中午時候小解聞手指都會有腥味
痛都無痛嘅
平時我都有清新,以前會用沐浴露清潔,翻開埋包皮洗;係近期有痕癢就少用沐浴露洗,齋用清水洗

Hello~想問你陰部 (即係陰毛附近)有無紅點?因為痕癢都有機會係由陰蝨造成。假如又無紅點,你平日都有做好清潔,咁有機會真係夏天出汗或磨擦造成痕癢:raised_hands:t2:因為陰部嘅皮膚同身體其他部位一樣,都有可能偶爾痕癢,所以唔需要太擔心:ok_man:

至於你話下午小便後聞手指會有腥味,想問你平日朝早起床之後仲會唔會沖涼梳洗?因為男仔瞓覺嗰陣可能因為唔同原因而有機會勃起,其間亦有可能分泌尿道球腺液,而呢種分泌物係含有少量精子,所以有可能造成好似你講嘅腥味:raised_hands:t2:如果你都係擔心嘅都建議你向醫生尋求專業意見啦~:ok_man:

陰部附近無紅點
朝早起床唔會沖涼
同埋我唔知男人瞓覺嗰陣知唔知自己會勃起?
因為知道男人接近起身嘅時候會勃起
但係可能平時有自慰習慣,所以好少臨起身嘅時候會勃起……
不過起身後小解完聞手指又唔覺有味……

咁可能就係上面講到嘅個啲情況啦。至於男人瞓覺時的確可能會係自己唔知嘅情況下勃起,而男人接近起身嘅時候都可能會勃起,即係俗稱「晨勃」,原因係因為身體睾丸素變動,呢啲都係好正常嘅生理機制。不過都唔係每個人每日都一定會有呢啲情況,有啲人可能完全冇都係正常嘅。

1個讚