點樣先知道係唔係經前症候群

我係5月22,23號有sex
已經係性行為後2x幾日驗過孕 係negative
但係自己成日好似想作嘔咁(係咁打嗝)成身又好似冇力 頭暈暈
(最近有感冒 唔知道關唔關事)
M又仲未嚟 (經期經常唔穩定,又食左事後)
好擔心事後冇用 我會唔會因為HCG太過低所以驗唔出
仲想問下懷孕機率大唔大
不正確帶套(射咗做多1-2分鐘先拎出嚟 同埋卷咗上陰莖嘅一半 不過冇爛到 唔知道有冇漏)
食咗事後(卡點食120小時)

仲有想問下如果冇懷孕 要食催經藥係咪就可以嚟M?
同埋催經藥係咩原理?

你好,你上個月22,23號有性行為至今都已經成個月,如果真係懷孕,自行驗孕已可以驗出結果。因為驗孕棒係透過檢測尿液中嘅hCG (人絨毛膜促性腺激素)含量,呢個激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果,而係11日後或者預計經期嘅日子驗孕結果會更加準確。所以你係性行為後20幾天的驗孕結果係非常準備,亦反映你沒有懷孕。至於你月經未黎,呢個係同你經期不準有關,而且月經周期係受好多因素影響,如:生病,服食藥物等,都會令月經遲來,如果你不時都係月經周期不穩定,你可以再觀察下,唔一定需要食催經藥。

1個讚

咁我想問下作嘔手軟腳軟係心理作用嗎?
成日都麻煩到你地唔好意思啊:sob::sob:

就算冇懷孕都好,一般嚟講都唔建議用催經去催經嘅。因為催經藥其實即係事前避孕藥,佢屬於荷爾蒙藥物嘅一種,係通過改變身體嘅荷爾蒙水平嚟達致催經或者延經嘅效果。通常催經藥要通過醫生處方先至能夠獲得,一般嚟講食用方式係每日一粒,持續服用7日或者14日,去到食完嘅時候因為荷爾蒙水平下降,就會嚟M。因為你本身已經食咗事後丸,事後丸屬於高劑量嘅荷爾蒙藥物,係通過抑制排卵同埋改變子宮內膜環境嚟避孕。本身已經會打亂你身體嘅荷爾蒙水平,所以唔建議食催經藥。同埋你都要有心理準備,食咗事後丸之後月經周期係會被擾亂嘅,通常會出現延遲嚟M嘅情況,呢個係屬於正常嘅副作用,唔需要太擔心。除非月經比起正常嘅情況遲咗三個星期以上都未嚟,咁先至需要睇醫生,睇吓醫生會唔會考慮開催經藥畀你。

好似上面同事咁講,因為距離上次性行為已經過咗好耐,所以個驗孕結果已經非常準確,唔存在驗唔出嘅問題。所以你呢啲症狀有機會係因為其他原因,心理壓力當然係其中一種,亦都有機會係因為季節性流感,感冒,新冠肺炎等等嘅疾病影響,捱夜同生活唔規律亦都有可能係其中一個因素。所以我哋建議你盡量放輕鬆,維持健康同埋規律嘅生活模式,咁應該可以減輕你唔舒服嘅情況🫶🏻

1個讚

唔該你地啊:smiling_face_with_tear:不過我想問吓點樣為之遲過預計月經嘅三個星期?係指我預計今個月17號要嚟但係佢仲未嚟,我再計多三個星期?即係17號之後三個星期?

沒錯,不過 一般而言, 服用事後丸之後,通常係一個禮拜內會出現撒退性出血 。撤退性出血一般出血量係會比一般月經少,而持續時間比較短,一般亦都會自行停止。如果出現撤退性出血情況,出血日子同一般月經嘅日子相近,出血情況持續,經血量亦同一般月經近似的話,都可以視果一次出血為一次月經 ,再重新計算月經週期 :relaxed: 所以睇返你嘅情況,其實可以再等吓先~