我37歲，上個月朋友介紹玩交友app，第一次玩我係上面識左一個34歲既女仔，我地開始傾吓偈，之後覺得幾投契，之後我就話佢知我係離過婚，不過原來對方同我一樣，我地傾左1個月到就約出嚟食飯，第一次見面大家都覺得好合適可以再約下次，我地都出左幾次街了解多左後，佢話自己係一個好冇安全感既人，所以打算慢慢同佢發展落去，近排咁岩佢有兩日假期，所以約左佢去澳門玩，之後我地就一齊左，頭幾日都好好，之後有晚係佢屋企過夜，但可能佢未慣所以大家都訓唔到，之後就開始關係變差，之後佢會同朋友去旅行，所以本身話番黎先傾吓我哋既問題，但去左兩日佢就訊息我話覺得自己未準備好想分開，咁我應該可以點做先挽回到呢段感情
Hello~呢度會想了解多少少你去佢屋企過夜嗰日發生咗啲咩事，先至會令到後面關係開始變差
。如果去佢屋企呢件事情係一個轉捩點嘅話，咁一定係喺嗰段時間裏面發生咗一啲事情，令佢覺得大家唔適合。見到你有講話對方係一個好冇安全感嘅人，想問吓你同佢嘅相處係點嘅？同埋想知道你同佢對愛情嘅期望同埋付出一唔一致？好多時候會出現磨擦，都係因為大家溝通不足，單方面以為自己已經滿足左對方嘅需要，或者覺得大家有共識，但係可能有好多嘢都係被壓抑住，直至到累積得太多嘅時候就會爆
。呢度其實都見到你好希望同佢繼續行落去，咁可能你哋需要溝通多啲，話俾佢聽你最真實嘅感受，同埋好想同佢一齊繼續維繫呢段關係，再搵出佢想分開嘅原因，然後一齊去面對同埋解決呢個問題🫶🏻
當晚冇特別事發生，只係睇完電視就番房訓，不過佢話可能未習慣有人係旁邊所以訓唔到，我相信係可能佢冇安全感下突然有人介入在佢既舒適圈令佢唔自在，我地日常相處都唔錯，不過可能我做得太多，太照顧佢，令佢有負擔未必做到對等所以令佢有憂慮，因為佢都講過覺得就算再拍拖之後都會好似之前經歷咁傷心收場，所以可能令佢覺得早啲分開會仲好
相信都有機會係因為佢未習慣有人喺旁邊瞓而覺得唔舒服，而且相信呢一段時間你同佢多咗接觸，佢可能都需要多啲時間去消化同埋適應。至於你嘅照顧令佢有負擔，如果你真係想了解一下背後嘅原因，其實同佢溝通就可以大啲機會知道佢嘅想法，佢未必真係覺得有壓力，可能係有其他因素影響～
跟佢朋友溝通過，了解到佢既想法，係因為佢仲有掛住前度，覺得對我唔公平所以想分開，慢慢諗清楚先
咁你不如俾多少少空間大家，係呢段時間你可以保持住雙方既基本接觸，如：問候、簡單分享一下自己既生活事情等，但不要太過急進或過於頻密，以免對方有壓力。等適當時期才再跟對方溝通一下雙方關係既問題。