想問問在適當的時間下及適當使用的情況下，驗孕棒的準確度是多少？第幾日開始唔使用晨尿？
有朋友試過懷孕第五個月驗孕都驗唔到，是什麼情況？會唔會係因為一啲牌子唔可信？
Hello
首先講解一下驗孕棒嘅原理，驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。所以只要喺適當嘅日子之後，同埋使用可以喺註冊藥房買到嘅驗孕棒，並且跟足說明書嘅指引，其實準確度會係非常高。至於係咪需要使用晨尿，其實只要喺性行為七日之後進行驗孕，即使唔係用晨尿都係可以驗出結果，而且隨着懷孕嘅日數增加，hCG含量會越高。
至於你提及懷孕之後進行驗孕得出嘅結果都係陰性，其實有好多影響，例如冇跟足說明書嘅指引，例如驗孕棒沾太少/太多尿液，冇喺有限時間內讀取結果，驗孕棒過期等都會令驗孕棒失效。另外有機會係因為驗孕之前飲太多液體，導致hCG含量降低。仲有就係有機會係宮外孕，或者肧胎唔健康嘅情況。
即係宮外孕或胚胎唔健康驗孕棒就驗唔到？定要隔多一排先驗到
只可以話宮外孕或者肧胎唔健康嘅情況之下去驗孕，準確度未必咁高，或者驗孕棒會出現一深一錢嘅情況。所以我哋一般都係建議如果女性已經幾個月冇黎月經嘅話，就盡快去搵醫生做檢查，同時亦都可以去醫院進行驗孕，咁就會比較安心同埋有準確嘅結果。
因為我知道宮外孕會持續出血，唔知點分月經定宮外孕出血
宮外孕會否好似月經咁出血？
子宮外孕嘅症狀症狀通常出現係第4～12週之間，病人會先意識到自己月經冇嚟，然後發現陰道出血，但又同平常月經不同，會流出水樣分泌物或顏色較深的血。隨著子宮外孕嘅時間愈長，輸卵管部分會受到壓迫，進而開始出現下腹痛、解尿疼痛等症狀，而當輸卵管因為子宮外孕破裂，有機會大量出血，女性就會出現大量陰道出血、突發性腹部劇痛等嚴重症狀。
如果喺性行為後一個月驗孕，驗孕棒條線會有一深一淺定仲係驗唔到？見到類似嘅問題你哋解答子宮外孕驗孕棒都會驗到懷孕嘅，但係你亦喺呢度提及過子宮外孕及胚胎唔健康有機會會驗唔到，有冇話大概幾多日就一定會有一深一淺嘅線？
另外想問問子宮外孕的話，輸卵管係咪會變大，下腹其中一側會脹？
應該係話一深一淺呢個情況會出現，除咗係因為宮外孕或者其他異常懷孕情況，大多數係因為錯誤使用驗孕棒。而即使宮外孕驗孕棒都會驗到呢個說法，係正確嘅，因為只要身體懷孕就會分泌hCG，但亦都有一部份人係會出現一深一淺，或者顯示陰性結果嘅情況，所以每個人都唔一樣，所以建議最好就係去醫院進行驗孕。
至於宮外孕嘅情況持續係會令輸卵管擠壓而導致下腹痛嘅情況，如果唔及時就醫嘅話，就有機會令輸卵管破裂而導致大量出血。
咁宮外孕會令下腹一時時痛，定會持續痛？會唔會都引發尿頻情況
子宮外孕初期不太有感覺，多數是在期後不久，才會感到下腹抽痛或悶痛，之後陰道會持續出血。而著床係輸卵管既胎漸漸長大後，輸卵管會被撐開，病患的疼痛會更加劇烈，腹腔會有出血症狀。
如果係肚臍下方脹痛屬唔屬於懷孕徵狀？
呢個都係其中一個懷孕前嘅症狀，同時亦都係月經前症狀，因為兩者嘅症狀好相似，所以我哋唔可以單憑呢啲症狀判斷自己有冇懷孕啊～
但係係兩個禮拜後先會預測嚟月經，經前症狀會唔會咁快有？
如果唔係懷孕嘅話，係唔係瞓喺度就唔會見到個肚脹？唔好意思問咁多嘢因為有啲擔心 同
月經前症狀呢樣嘢會喺月經前幾多日出現，的確係因人而異，亦都冇一個準確嘅答案。至於肚漲嘅問題，相信同瞓喺度冇直接嘅關係～
我意思係而家肚脹瞓喺到就見唔到脹，想知因懷孕而脹嘅肚係唔係瞓喺到仍然會脹，可唔可以靠呢點分辨
其實呢個就比較難去分辨嘅，因為有啲人如果腹部脂肪較多嘅話，就算瞓喺度都係會脹起嘅。如果想知自己有冇懷孕，與其喺度估估下，最可靠嘅方法都係驗孕。如果你擔心驗孕棒嘅結果唔準確嘅話，可以考慮自費去醫院驗血或者照超聲波，驗血嘅話只要距離最後一次性行為過咗三日，就已經能夠得出非常可靠嘅結果，加上會有醫生同你好詳細咁解釋驗血報告，應該就可以打消你嘅疑慮～