22/5黎完 9/6做左 係無套外射 原來應該22/6嚟m 但仲未嚟 經期唔係好準 但多中數有早冇遲
呢兩日已經用晨尿驗過 都係陰性 有冇機會中獎？
你好～
由於你驗孕嘅時候已經係性行為嘅11日後，只要你有跟足指示進行驗孕，咁個結果就係準確架喇～
提示返，即使冇喺陰道內射精，因為陰莖喺性興奮時會分泌出尿道球腺液，而當中有機會含有少量精子，係會有懷孕嘅風險架～ 所以建議使用返安全措施，咁性行為後就唔洗擔心喇 
係咪性行為11日驗 即使唔係晨尿 結果都係準確？
係嗤冇錯～
但我下腹都有悶痛 好似嚟m咁但冇咁痛
不過今遲左4日都係未嚟
今朝再用晨尿驗都係陰性 我上星期開始已經係咁似涼茶想佢快d嚟 究竟點佢先會嚟m
明白有一啲月經前症狀同懷孕前症狀好相似，所以令你好擔心，但正正就係因為呢啲症狀好相似，所以我哋先唔可以單憑呢啲症狀去判斷自己有冇懷孕呀。如果你喺性行為後七日驗孕，而且有按照說明書嘅指示去做，其實結果會係非常準確。另外亦都有好多因素影響月經周期，例如情緒壓力，最近有冇服食藥物，生活作息等等都會影響月經係咪準時嚟，出血量，經前症狀等。而且大部份嘅女性其實都唔會喺每一個月同一日嚟月經，所以可以嘗試放鬆心情，相信驗孕結果，應該過多幾日就會嚟月經㗎喇
如果驗孕棒係10幾個鐘後出現另一條 但好淡好淡 唔係完整一條 係個頭有條好淡嘅痕 咁叫唔叫驗到懷孕？
一般驗孕棒係使用後大約5-10分鐘後就會有結果，而根據使用說明，結果會係一定時間後就會無效，所以如果係10幾個鐘後出現另一條，呢個已經唔係準確既結果，所以自行驗孕一家要跟足說明黎使用。如果你想再確認一次結果，其實可以買一支電子驗孕棒，再按照指示驗多一次。因為電子驗孕棒唔嘅敏感度同準確度比較高，而且係透過電子屏幕顯示，如果懷孕的話亦會顯示週數。相信更清晰嘅結果都會令你更安心。
明白到月經到而家仲未呢有機會令到你好焦慮同埋擔心，但都希望你盡量放鬆心情，亦都可以嘗試用一啲外在嘅方法，令到自己放鬆，等身體明白到你嘅狀況穩定，可以嚟月經。
如果用電子驗孕棒 過左性行為後14日 係咪都唔一定要用晨尿去驗？
其實如果我係性行為後第12 14 同15日都驗到陰性，係咪就可以好肯定自己冇懷孕？ 我第一次咁耐都未嚟m
今日係性行為後第16日 用左電子驗孕棒 唔係用朝晨性結果都係陰性冇懷孕 驗左4日都係陰性 係咪可以confirm我冇懷孕
係呀，相信你咁多次嘅結果呈陰性，都可以唔使太擔心，另外其實驗孕棒係可以唔一定用晨尿驗都係非常準確～
今日嚟左少少血 但又冇平時嚟m咁多 一塊護墊都頂到半日 呢啲會唔會係著床出血 但我晏晝都有再驗過都係陰性….
其實好似上面同事咁講，佢哋性行為超過咗11日嘅驗孕結果已經非常準確，可以肯定你係冇懷孕嘅。所以你而家嘅出血應該係嚟M，可以耐心等待多幾日，如果持續出血超過兩日嘅話，咁就可以好肯定唔係着床性出血，而係月經啦！
另外如果唔想下次都係咁焦慮，咁忐忑嘅話，咁記住進行性行為嘅時候要全程正確咁使用安全措施啦！ （詳情可以參考我哋嘅文章，例如係： Login • Instagram Login • Instagram 同埋 Login • Instagram ）。其實除咗安全套，荷爾蒙式嘅避孕法，例如事前避孕藥、避孕針、子宮環等都係有效率嘅可靠方法。雖然缺點係無辦法預防性病，但如果雙方都做過性病檢查，其實選用呢啲方法嘅成功率都會比安全套高，不妨考慮一下🫶🏻。
我6月28日開始食避孕藥 冇食漏過 琴日同男友做個陣無套外射 呢個情況係咪唔大懷孕機會？
係呀，如果每日都有食藥，而且身體冇出現其他異常情況，例如肚痾，嘔，咁即使係發生唔安全嘅性行為，都唔會有意外懷孕嘅機會～