上個兩個月 食完抗生素上個月26號黎月經 黎得好少 3日就完
量都好少、 問醫生關唔關抗生素事、佢又話唔關事、 自己覺得關關地事
到左今個月26號 仲未黎m , 腸胃成日谷住谷住咁，谷住己經有一個星期了 ， 仲未準時黎到 ， 仲有d腸胃唔舒服咁， 想問有咩方法快點黎到M 同埋 m量多返小小 ？
Hello~可唔可以講多少少，點解你希望m量嚟多啲？
因爲m血嘅份量同m痛一樣，其實係因人而異嘅，可能有啲人嚟足7日，亦有啲人好似你咁只係嚟3日，而且現時都有研究顯示食抗生素藥物係會影響月經周期，所以有機會上兩個月嘅出血日數少咗係因為藥物影響，但出血日數或血量都對身體無太大影響嘅
另外月經週期都唔一定穩定準確，並會受壓力、藥物、荷爾蒙改變等唔同因素影響，而暫時除咗醫生開嘅催經藥之外，都冇其他自然嘅飲食療法係會令月經可以早啲嚟。而你嘅身體已經出現「谷m」嘅徵狀，所以未來幾日應該都會好快嚟m
因為我聽人講少血量聽講 好似提早年輕化更年期？ 因為我上兩個月 第3日己經7788完哂咁濟
之前第4-5日 都會有啡血慢慢完
其實「m血」係由「無受精嘅卵子」同「增厚然後脫落嘅子宮内璧」組成，如果話m血少有可能只係子宮内璧增厚嘅幅度少咗，又或者受藥物影響。
而你提到「嚟m嚟得3日」嘅月份正好吻合你食抗生素嘅日子，所以都好大機會係受藥物影響，只要身體逐漸排清返體內藥物，就有可能回復之前嚟m嘅狀況。當然如果你仲係擔心嘅都建議你向醫生尋求專業意見啦