男朋友同佢個ex（下稱X）識咗好耐好耐，一齊嘅時候好似有分分合合，但都keep咗幾年，男友話因為冇愛冇熱情所以分開，佢都有對X失望。都隔咗一年，我地先一齊。
男友因為某啲原因（算係半公事半私事）需要同X有聯繫，佢有俾我知X嘅存在，個聯繫頻率可能一個月只有兩三次短時間，係真係純粹因為某件事而需要聯絡。
諗落係同我地每日keep chat每個禮拜見幾次差好遠好遠，我同男友都好親密，但同時我心底都仲係好在意X。
我有問過自己幾個問題，係咪信唔過男友？唔係。
佢地嘅聯絡係咪非男友不可？我覺得唔係，但男友應該會覺得係，因為佢係X最熟最信得過嘅人。
男友有冇俾安全感我？有，報備會主動，會分享日常，見到我會好親密，冇試過惡言相向或者做任何野傷害我，大部分佢嘅朋友都知我係佢女朋友。
我又問自己，咁在意X嘅原因係？
我唔係好知，可能只係個身份令我介意。我以為大家都會同ex斷得一乾二淨⋯⋯如果X只係一個女性朋友，我完全唔會理會，但我每次諗起都冇辦法當佢係男友嘅「其中一個朋友」。我會覺得時間上、理解上，都要過好多好多年先比得上X，要時間先令我喺男友心中重要到好似X咁樣。
可能男友嘅角度睇，佢知道自己分得清楚界線？因為所有野都清楚所以佢覺得冇野要擔心？
但喺我角度睇，我唔會知男友同佢嘅真實對答同態度，呢種未知係令我焦慮嘅位，但你問我信唔信男友其實我係信，好似好矛盾咁。唔知應唔應該同男友講呢件事，或者尋求佢嘅協助，但我都唔知佢點樣可以幫到我
我都有類似情況呀，不如你試吓同佢傾啦，直接同佢講返佢咁樣做自己會好在意，佢可能都只係放低咗之前段關係先覺得普通嘅來往冇咩問題
Hello~明白你宜家嘅處境可能令你覺得困惑同不安。處理男朋友同前任之間嘅聯繫的確係一個好複雜嘅事，而每個人對呢樣嘢嘅反應同處理方式都唔一樣。雖然你話你信任你嘅男朋友，但你仍然對佢同ex保口聯絡覺得焦慮同緊張，呢個都係好正常嘅感受。
你可以試下同男朋友坦誠咁講下自己嘅感受。話俾佢聽你對佢同ex有聯絡而感到不安，同埋明確咁解釋點解你會有唔安全感。等雙方都可以理解對方嘅諗法同感受。同時，我哋都要聽吓佢嘅解釋同埋睇法，尊重佢處理呢段關係嘅決定，同埋試吓搵一個大家都舒服嘅解決方法。
同時，你都可以諗吓點解自己會對男朋友同ex 嘅關係咁在意。係唔係你哋喺過去發生咗一啲事，令到你覺得ex會對你哋嘅關係造成威脅？定係你擔心自己喺男朋友心目中地位比唔上佢個ex? 了解自己嘅情感需求係好重要嘅，因為一件好少嘅事都有機會反映出你潛在嘅感受同需要。
最後，建議你同男朋友討論下點樣去處理同其他異性嘅關係。你哋可以一齊制定一啲界線同埋規則等大家都覺得有被尊重同埋重視。例如，你可以提議男友同ex淨係保持必要同聯繫，並喺其他方面加強你哋嘅互動同交流，增加彼此嘅親密感同信任。
每個人嘅感受同需求都係唔同嘅，所以你哋需要找到適合雙方嘅解決方案，去建立更加穩固嘅關係。希望以上嘅建議可以對你有幫助🫶🏻
多謝你回覆我🫶🏻
「點解會對男朋友同ex 嘅關係咁在意」
我諗真啲係兩個原因 1. 佢一齊左好長時間，又和平變返朋友，我改變唔到又取代唔到
2. 就算分開咗，佢都繼續佔有我男友嘅一部分，唔止係內心仲有少量嘅時間
我係第一次同拍長拖分手+ex變朋友嘅人 一齊，有啲小事係有影響，eg bf唔係好整理social media，N年前定係一兩年前嘅相都有少量X嘅痕跡。雖然完全冇親密照或者任何佢地一齊過嘅證明，係一大班人嘅相，都有X留過心心嘅comment。
我同佢一齊之後，佢唔介意po我但24個鐘過咗就冇咗…所以有時手多去睇佢嘅account唔係好開心，好似我係完全冇出現過嘅人，但X就有喺到。我就會安慰自己因為一齊嘅時間未算好長。另一個例子係佢個電話密碼仲用緊X嘅生日，同我一齊之後冇換過新電話，我估只係冇特意去改。
我都明好似係要溝通既～但因為男友角度睇可能係完全唔洗擔心既事，佢又幫唔到我啲咩，唔知同佢講係咪只會帶嚟壓力俾佢～？
但唔解決呢 我又會跌落個介意位到，可能會愈諗愈衰唔知自己係咪俾佢呃左咁
Hello
關於點解你會對男朋友同ex嘅關係咁在意，其實都睇得出個重點係因為除咗佢哋識咗好長時間之外，亦都係因為而家仲有聯絡，所以令你一直都介懷嘅原因。
其實親密關係可以分為好多個部份，男朋友喺俾安全感呢一個部份做得好好，同埋亦都唔會對你發脾氣等等係好值得欣賞，但除咗呢一方面之外，你介意嘅地方亦都係組成你哋親密關係好重要嘅一部份。所以如果你同男朋友就住呢一方面去溝通，明白你會個覺得可能俾壓力佢，但係呢一個亦都係你重視嘅部份，所以建議喺同男朋友傾之前都可以解釋你點解咁緊張同埋重視，你去講呢樣嘢嘅原意唔係希望俾壓力佢，而係都想聽吓佢嘅諗法，例如點解佢會繼續用ex嘅生日做手機密碼。而你自己都可以表達你嘅諗法，例如點解你覺得post一個story，24小時之後就冇咗會令你唔開心。
所以你唔需要咁擔心呀
一段關係係兩個人嘅事，如果你有呢個擔憂唔代表對方做唔到某啲嘢去解決呢個問題。而且相信如果你就住呢一個問題經常擔心嘅話，可能你男朋友都會察覺到～所以本着希望可以鞏固呢一段關係，而開始一個溝通係非常好的～
應該都只會安慰我