安全套無穿但留係陰道入面,有無需要食事後避孕藥

28/6 同男友去旅行中發生性行為,有用安全套但就快射前拔出黎意外將個套留左係陰道。男友係體外射精同check過安全套無穿。我本身食左半年事前避孕藥,28/6已經食到第19粒,正常3/7會黎m

想請問咁嘅情況出事嘅機會高唔高?因為仲有好幾日先返香港,現時唔知點搵事後避孕藥
Thanks

Hello~因為見到你哋有用安全套之餘,亦都有使用到事前避孕藥,所以就算安全套失效,事前避孕藥都仍然能夠起到避孕嘅效果,而就算得返一種避孕措施都好,只要有每日準時咁食藥,避孕嘅成功率都係能夠去到99%嘅,所以係唔需要食事後丸嘅,亦都唔需要擔心懷孕。

不過呢度都想探討下安全套留咗喺陰道入面嘅可能性,如果呢款安全套係喺外地先至購買,即係唔係平時用開嗰種嘅話,咁可能係因為唔同國家嘅牌子安全套尺寸唔一樣,所以出現過鬆甩咗嘅情況。我哋會建議你檢查一下安全套嘅尺寸,如果有唔啱size嘅情況就唔好再使用啦~當然亦都有可能係因為你哋冇喺陰莖仍然勃起嘅情況下掹出嚟,當性行為完結之後陰道變緊,而陰莖開始縮細,就有可能出現安全套留咗喺陰道入面嘅情況。不過就算咁樣都好,懷孕機率都係好細嘅,所以唔需要太擔心🫶🏻

因為我12-14/6患過腸胃炎,12/6朝早10點前食左避孕藥,但下晝3:30 開始嘔,而當日無再補食避孕藥。之後兩日都係朝早食避孕藥後,下晝有輕微肚瀉,同無補食藥,擔心會影響藥效:smiling_face_with_tear:

因為見到你食藥嘅時間同你出現痾嘔嘅時間中間隔咗超過三個小時,避孕藥應該被腸道消化同吸收咗,所以就算冇補食應該都唔需要太擔心嘅。不過呢度都想問吓,你腸胃炎嘅時候有冇服用其他藥物?因為同時服用兩種藥物嘅話,有機會互相影響藥效。不過因為你都有全程使用安全套,所有懷孕機率都係唔高嘅,唔需要太擔心。