我係男仔嚟,唔好意思,我真係好徬徨早兩日一時性起去叫雞,
因為第一次完全唔識點做,咁佢就教我…
除衫沖涼攞手摸我下面
當時畀咗條毛巾我 我冇抹JJ 淨係抹身
然後叫我攤咗上床 幫我chock咗幾下 然後帶套
口交咗一陣 然後就女上咁插 插左幾下
佢就叫我轉姿勢 但之後我就開始軟 再插唔到
之後佢就除咗個套 用紙巾幫我清潔啲包皮 然後用手幫我打飛機
但我都係硬唔到 最後我自己打 射咗
佢就用佢啲紙巾幫我抹 抹嗰下好痛
最後有沖涼 都有用返嗰條毛巾抹乾淨 都係冇抹JJ
當日返到屋企已經覺得同以前唔同 下面有啲熱
過咗幾日而家喺開始有啲痕 有時會大髀痕 有時肛門都痕
同埋開始好難扯旗 同未叫雞之前感覺好唔同
其實我驚佢係人妖 因為佢把聲好低沉
同埋我真係好驚有性病
唔知有咩方向可以做 救救我
我真係好驚
補充返 呢兩日已經完全瞓唔著 心情極差 有諗過自殺
唔知可以點
Hello 首先可以唔洗太擔心先。
性病嘅傳播途徑，基本上只有一啲高風險嘅體液，例如精液、陰道分泌或者血液等等，接觸到傷口或者比較薄嘅黏膜組織時，例如陰道、口腔等等，先會傳染得到。部分性病，例如椰菜花或者陰蝨，就可能單純皮膚接觸已經會傳染得到，咁呢啲如果接觸到安全套冇覆蓋嘅部份都可能會傳染。
不過，一般來講性病都會有潛伏期，至少都要兩三日先會慢慢出現，唔會喺發生完性行為之後就即刻出現病徵。另外，如果真係感染到性病，通常都會有一啲比較明顯嘅病徵，例如陰莖或者小便時候會有灼痛感受，或者喺陰莖、龜頭、尿道附近流黃綠色或者混濁奶白色嘅分泌物，或者喺相關部位生一啲紅斑或者肉粒等等。如果你擔心嘅話，都可以留意吓自己有冇呢啲病徵。
而你覺得有啲痕，可能係因為最近天氣比較熱，留多咗汗，特別係相關部位成日焗住，所以就會比較容易覺得痕，加上因為可能你啱啱發生完性行為，所以特別留意自己相關部位，就更加突顯左呢啲情況。至於你話自己好難「扯旗」，其實好多人喺第一次發生性行為，或者同陌生人發生發生性行為時，都會因為唔同嘅原因而未必可以長期保持性興奮狀態，可能係因為太過緊張等等嘅原因都可能會影響得到表現，呢個都未必係關性病事，更大可能係因為心理因素影響而出現。
其實就算要感染性病，都要對方係有性病先能夠傳染得到俾你，但係我哋都唔應該一嚟就假設左對方係性工作者，所以就一定係會有性病。即使對方係性工作者，其實佢哋都係人，都會關心自己嘅身體，佢哋都會避免自己得到性病。假如對方係真係冇性病嘅話，都唔會傳染到性病俾你。
而且其實而家醫學都好發達，就算真係不幸染到性病，基本上好多性病都已經能夠被治療得到。就算冇辦法被完全根治嘅性病都好，係經過治療之後都已經可以將病毒量降低到不能被檢測嘅水平，當病毒量低到呢個水平嘅時候，佢都會失去傳染性，唔會再傳染得到比任何人。所以都唔需要諗到得到性病就世界末日咁咁大件事。
至於你驚對方係人妖嗰方面，都可以喺交易之前問清楚對方，或者上網查吓相關資料先，咁樣都可以幫助到你嘅。
更新一下,我因為血氧低入左院,e家出返黎 自從上次叫雞差唔多一星期 而家龜頭好似有粒野 扯旗會痛 我諗我十成十都已經中咗, 嚟緊應該可能會自殺
Hello~因為性病疣（椰菜花）嘅潛伏期大約 係1-8個月，平均為3個月。因為距離你嗰次叫雞只係隔咗一個禮拜左右，咁快出現病徵嘅機會係好細嘅，所以有機會只係細菌感染，唔係性病。如果你咁緊張，又唔想等三個月空窗期嘅話，可以選擇除咗驗血之外其他嘅性病檢測方法，例如DNA檢測，私家診所嘅費用雖然比較高，但係可以喺短時間內知道結果，相信可以減低你嘅憂慮。你亦都可以睇咗家庭醫生先，睇吓係咪因為細菌感染所以尿道發炎，如果食咗消炎藥同埋抗生素之後情況有改善，咁就可以放心啲啦！
另外都想比你知道就算感染咗性病都好，只要好好控制同埋治療，其實都可以擁有良好嘅性生活同埋健康嘅關係。好似我哋上面同事咁講唔係所有性病都係冇辦法被治愈嘅，有部份性病係能夠被根治嘅。而且
即係話你仍然可以有性行為，亦都可以有健康嘅後代，所以其實真係冇你諗得咁嚴重㗎！